अबैंध भन्सार छलीका सामान बरामद

२०८१-०१-१७

A
A^-
A⁺

कैलाली:- कैलाली जिल्लाको बिभिन्न स्थानहरु धनगढी उ.म.न.पा.२ ट्राफिक चौराह नजिक, ऐ. ३ ब्यारेल र टीकापुर नपा ७ खैरिपुर स्थित सडक खण्डबाट अबैंध रुपमा भारतबाट भन्सार छलि गरि ल्याएका अन्दाजी मूल्य रु.८५,९८५।–बराबरको प्याज,चिनी,मिठाई,बिडी,सुर्ती,खानेतेल,नरिवल,सरफ,धनियाँ,गन्जि,धोती,प्लाष्टिक डोरी, प्राउन नल्ली लगायतका सामानहरु आईतबार जिल्ला प्रहरी कार्यालय कैलाली तथा मातहत प्रहरी कार्यालयहरुबाट खटिएको प्रहरी गस्ती टोलीले फेला पारी आवश्यक प्रक्रिया पुरा गरि नियन्त्रणमा लिएको हो ।

कञ्चनपुर:- कञ्चनपुर जिल्लाको बिभिन्न स्थानहरु भिमदत्त न.पा.११ चौकीसत्ता,बेलौरी न.पा.१ फटैया,ऐ.२ बैजुडाडा, ऐ.८ कलकत्ता, ऐ.१० भुडा, दोधारा चाँदनी न.पा. ७ टाउके टोल, पुनर्वास न.पा. ११ डोकेबजार र बेलडाँडी गा.पा.३ कमरी चोकबाट अबैंध रुपमा भारतबाट भन्सार छलि गरि ल्याएका अन्दाजी मूल्य रु.२,१९,१२०।–बराबरको प्याज,चिनी,मिठाई,चक्लेट,पास्ता,गहुँ,खानेतेल,पेय पदार्थ,सुर्ती,किटनाषक औषधी,तरकारी, फलाम र काठले बनेका गहु,धान चाल्ने चाल्ला लगायतका सामानहरु आईतबार जिल्ला प्रहरी कार्यालय कञ्चनपुर मातहत प्रहरी कार्यालयहरुबाट खटिएको प्रहरी गस्ती टोलीले फेला पारी आवश्यक प्रक्रिया पुरा गरि नियन्त्रणमा लिएको हो ।

सम्बन्धित समाचार

एक नाले भरुवा वन्दुक बरामद

२०८३-०५-३०

डोटी:- जिल्ला डोटी शिखर न.पा.५ रुडीगाड स्थित खोला किनार नजिक ओडारमा लुकाई छिपाई राखेको एक नाले भरुवा बन्दुक थान-१ सोमबार साँझ प्रहरी चौकी तलकोट, डोटीबाट खटिएको प्रहरी टोलीले बेवारिसे अवस्थामा फेला पारी बरामद गरेको छ । यस सम्बन्धमा प्रहरीले अनुसन्धान गरिरहेको छ ।

अवैध भन्सार छलिका सामान नियन्त्रणमा

२०८३-०५-३०

कैलाली:- कैलाली जिल्लाको विभिन्न स्थानहरुबाट अवैध रुपमा भारतबाट भन्सार छलि गरी ल्याएका अन्दाजी मूल्य रु.१,०७,१००।– बराबरको सुर्ति, चुरोट, गुट्खा, अटोको कप्लिङ रबर, ईलेक्ट्रोनिक लगायतका सामानहरु सोमबार जिल्ला प्रहरी कार्यालय कैलाली मातहत कार्यालयबाट खटिएको प्रहरीले बेवारिसे अवस्थामा फेला पारी आवश्यक प्रक्रिया पुरा गरी नियन्त्रणमा लिएको छ ।

अबैध लागुऔषध सहित मानिस नियन्त्रणमा

२०८३-०५-२९

कञ्चनपुर:- जिल्ला कञ्चनपुर कृष्णपुर न.पा.९ पिपरिया स्थित लागूऔषधको कारोवार भई रहेको भन्ने गोप्य सुचनाको आधारमा सोही ठाउँ बस्ने वर्ष २२ को राम लक्षी रानाको घरकोठा खाँनतलासी गर्दा अवैध लागूऔषध खैरो हिरोइन जस्तो देखिने धुलो पदार्थ २ ग्राम ८७० मिलिग्राम र ऐ. बस्ने वर्ष २० को बिशाल रानाको घरकोठा खाँनतलासी गर्दा १ ग्राम ९२० मिलिग्राम गरी जम्मा ४ ग्राम ७९० मिलिग्राम सहित दुवै जनालाई लागूऔषध नियन्त्रण ब्युरो शाखा कार्यालय धनगढी र इलाका प्रहरी कार्यालय रैकवार, कञ्चनपुरबाट संयुक्त रुपमा खटिएको प्रहरी टोलीले आइतबार दिउँसो उक्त पदार्थ फेला पारी पक्राउ गरेको छ । यस सम्बन्धमा प्रहरीले आवश्यक अनुसन्धान गरिरहेको छ । यसैगरी, जिल्ला कञ्चनपुर बेलडाँडी गा.पा.३ बनपुरुवाबाट अवैध लागूऔषध खैरो हिरोइन जस्तो देखिने धुलो पदार्थ १० ग्राम सहित सोही न.पा.२ चवन्नी बस्ने १८ वर्षिय किशोरलाई प्रहरी चौकी झिलमिला, कञ्चनपुरबाट खटिएको प्रहरी टोलीले आइतबार साँझ भारतबाट नेपाल तर्फ पैदल आउदै गरेको अवस्थामा शंका लागि चेकजाँच गर्दा उक्त पदार्थ फेला पारी निजलाई सोधपुछ गर्दा ऐ.चन्दनबस्ति टोल बस्ने वर्ष २२ को गणेश साँउदले खरिद गरी ल्याएको हो भनि निज ब्यक्ति नजिकै सडकमा पल्सर मोटरसाइकलमा पर्खि वसेको खुल्न आएको हुँदा सु.प.प्र.०१-०११ प २०५८ नम्बरको मोटरसाइकल सहित निजलाई फेला पारी उक्त पदार्थ, मोटरसाइकल सहित दुवै जनालाई पक्राउ गरेको छ ।

सवारी दुर्घटना हुँदा मृत्यु, घाइते

२०८३-०५-२९

कैलाली:- जिल्ला कैलाली, धनगढी उ.म.न.पा.२ मिलनचोक स्थित ऐ.आदर्श टोल बस्ने वर्ष १८ को अंकित गुप्ताले चलाएको सु.प.प्र.०१-००२ स ६११ नम्बरको अटोले बाटो काट्ने क्रममा घोडाघोडी न.पा.८ बस्ने वर्ष २२ को दिनेश थापाले चलाएको सु.प.प्र.०१-००८ प ५९५९ नम्बरको मोटरसाइकललाई ठक्कर दिँदा मोटरसाइकल पछाडी सवार जिल्ला कञ्चनपुर, पुनर्वास न.पा.८ “क” गाँउ बस्ने वर्ष १४ को क्रिस गोतामे गम्भिर घाईते भई आइतबार दिउँसो उपचारको लागि मायामेट्रो अस्पताल धनगढी, लगिएकोमा चिकित्सकले चेकजाँच गर्दा मृत्यु घोषणा गरेको छ । मोटरसाइकल चालकको सोही अस्पतालमा उपचार भइरहेको छ । अटो र अटो चालकलाई प्रहरीले नियन्त्रणमा लिई अनुसन्धान भईरहेको छ ।

अवैध भन्सार छलिका सामान नियन्त्रणमा

२०८३-०५-२९

कैलाली:- जिल्ला कैलाली भजनी न.पा.३ कुसुमघाटबाट अवैध रुपमा भारतबाट भन्सार छलि गरी ल्याएका अन्दाजी मूल्य रु.७५,६००।– बराबरको चिनी, प्याज, बिडी, सुर्ति, सरप, आलु, प्लाष्टिक झिल्ली लगायतका सामानहरु आइतबार इलाका प्रहरी कार्यालय भजनी, कैलालीबाट खटिएको प्रहरी टोलीले बेवारिसे अवस्थामा फेला पारी आवश्यक प्रक्रिया पुरा गरी नियन्त्रणमा लिएको छ । कञ्चनपुर:- कञ्चनपुर जिल्लाको विभिन्न स्थानहरुबाट अवैध रुपमा भारतबाट भन्सार छलि गरी ल्याएका अन्दाजी मूल्य रु.१,२०,३८०।– बराबरको पेय पदार्थ, विभिन्न प्रकारका कपडा, सुर्ति, खाने तेल, नमकिन, हाडवेयर लगायतका सामानहरु आइतबार जिल्ला प्रहरी कार्यालय कञ्चनपुर मातहत कार्यालयबाट खटिएको प्रहरीले टोलिले बेवारिसे अवस्थामा फेला पारी आवश्यक प्रक्रिया पुरा गरी नियन्त्रणमा लिएको छ ।

अवैध भन्सार छलिका सामान नियन्त्रणमा

२०८३-०५-२८

कैलाली:- कैलाली जिल्लाको विभिन्न स्थानहरुबाट अवैध रुपमा भारतबाट भन्सार छलि गरी ल्याएका अन्दाजी मूल्य रु.१,७६,७१०।– बराबरको बिडी, सुर्ति, गुट्खा, हुक, रबर, बेकरी लगायतका सामानहरु शनिबार जिल्ला प्रहरी कार्यालय कैलाली तथा मातहत कार्यालयबाट खटिएको प्रहरीले बेवारिसे अवस्थामा फेला पारी आवश्यक प्रक्रिया पुरा गरी नियन्त्रणमा लिएको छ ।