कैलाली:- जिल्ला कैलाली, मोहन्याल गा.पा. २ बस्ने बर्ष ३४ को दिल बहादुर तंलानी  पिपलसैनी स्थित कर्णाली नदिमा नुहाउने क्रममा सोमबार दिउँसो डुबी बेपत्ता भएका छन । निज डुबी बेपत्ता भएको भन्ने खबर प्राप्त हुनासाथ इलाका प्रहरी कार्यालय पण्डौन, कैलालीबाट प्रहरी टोली खटिई गई निजको खोजतलासका साथै आवश्यक अनुसन्धान भइहेको छ ।  

    डोटी:- जिल्ला डोटी, शिखर न.पा. ८ लुवाखडी स्थित धनगढीबाट अछाम तर्फ जाँदै गरेको सु.प.प्र.०१-००१ ज १५३४ नम्बरको  अल्टो कार लुवाखडी स्थित सडकमा रोकी चालक जिल्ला कैलाली धनगढी उ.म.न.पा.३ बस्ने बर्ष अन्दाजी ३८/४० को नर बहादुर तामाङ सेती नदिको किनारमा नुहाउने क्रममा सोमबार दिउँसो डुबी बेपत्ता भएका छन । निज डुबी बेपत्ता भएको भन्ने खबर प्राप्त हुनासाथ जिल्ला प्रहरी कार्यालय डोटी समेतबाट प्रहरी टोली खटिई गई निजको खोजतलासका साथै आवश्यक अनुसन्धान भइरहेको छ ।