कैलाली:- मिति २०८१।०१।१६ गते साँझ १८:३० बजेको समयमा जिल्ला कैलाली, धनगढी उ.म.न.पा.४ स्थित हरि ओम हार्डबेयर एण्ड सप्लायर्सले अबैंध रुपमा भारतबाट भन्सार छलि गरि ल्याएका चोरी पैठारीका सामानहरु बिक्रि वितरण गर्ने गरेको भन्ने सुचनाको आधारमा आईतबार साँझ तिर जिल्ला प्रहरी कार्यालय कैलालीबाट खटिएको प्रहरी टोलिले देश भारत, जिल्ला लखिमपुर, पलिया कला खिरी स्थायी घर भई हाल जिल्ला कैलाली, धनगढी उ.म.न.पा.३ बस्ने बर्ष ४४ को आशिष गुप्ताको उक्त हार्डवेयरको गोदाममा भारतिय Up31 T 7711 नम्बरको ट्रक बाट अनलोड गर्दै गरेको अवस्थामा Concrete mixture machine-१ सेट, Disk doll maker -७ सेट, Cultivate -३ सेट, Cultivator catch wheel-१ सेट (२ पिस), Pumping set 8th HP complete-१ पिस, Dhal knife ५२ सेट, Rubber strip १६ बण्डल,Harrow Tyre 6.00-14 -४ पिस, Auto rickshaw Tyre ६६ पिस, Fatta pipe १०० बण्डल, Grease ३० कार्टुन, Engine oil ५ कार्टुन र उक्त नम्बरको ट्रक थान -१ सहित  अन्दाजी मूल्य रु.४०,०४०००।-(चालिस लाख चार हजार) बराबरको हार्डवयरका सामानहरु फेला पारी नियन्त्रणमा लिएको छ । उल्लेखित सामान र ट्रक सहित मानिसलाई आवश्यक कारबाहीको लागि कैलाली भन्सार कार्यालय त्रिनगरमा बुझाएको ।

    कञ्चनपुर:- मिति २०८१।०१।१७ गते जिल्ला कञ्चनपुर, भिमदत्त न.पा. ४ बासपार्क र ऐ.६ ऐठपुरबाट अबैंध रुपमा भारतबाट भन्सार छलि गरि ल्याएका अन्दाजी मूल्य रु. ४,१८,५९०।- बराबरको चिनी, ईन्जन तेल, युरिया मल, पशु आहार, चुरा, खाने तेल, किरानाका सामान, कस्मेटिक सामान, JCB पार्ट्स, बाल्टिन, जीम पाउडर, सिल्भर कडाई, सिल्भर फ्राईबिन, सिल्भर डेक्ची लगायतका सामानहरु सोमबार प्रहरी गस्ती टोलीले बेवारिसे अबस्थामा फेला पारी आवश्यक प्रक्रिया पुरा गरि नियन्त्रणमा लिएको छ । उल्लेखित सामानहरु आवश्यक कारबाहीको लागि कञ्चनपुर भन्सार कार्यालय गड्डाचौकीमा बुझाएको  ।