फरार प्रतिवादी पक्राउ

२०८१-०१-१९

A
A^-
A⁺

कैलाली:- फैसला कार्यान्वयनको सिलसिलामा सम्मानित जिल्ला अदालत कैलालीको मिति २०७६।०७।२४ गतेको फैसलाले चेक अनादर मुद्दामा रु.४५०।- जरिवाना भई फरार रहेकी जिल्ला कैलाली, टिकापुर न.पा.१ बस्ने वर्ष ४२ की सिता देवि ढुङ्गानालाई मिति २०८१।०१।१८ गते ईलाका प्रहरी कार्यालय टिकापुर, कैलालीबाट खटिएको प्रहरी टोलीले निजकै घर ठेगानाबाट पक्राउ गरेको ।

कञ्चनपुर:- फैसला कार्यान्वयनको सिलसिलामा सम्मानित जिल्ला अदालत कञ्चनपुरको फैसलाले अंशबण्डा मुद्दामा जनही रु २,२५०।- जरिवाना भई फरार रहेका जिल्ला कञ्चनपुर, दोधारा चाँदनी न.पा.५ बस्ने बर्ष ५८ को चन्द्र देब भट्ट, बर्ष ५० की नन्दा देबी भट्ट र बर्ष ३५ को मोहन भट्टलाई मिति २०८१।०१।१८ गते ईलाका प्रहरी कार्यालय दोधरा चाँदनी, कञ्चनपुरबाट खटिएको प्रहरी टोलीले निजहरुकै घर ठेगानाबाट पक्राउ गरि सम्मानित जिल्ला अदालत समक्ष पेश गरेको ।

सम्बन्धित समाचार

अबैध भन्सार छलिका सामान नियन्त्रणमा

२०८३-०३-०७

कैलाली:- जिल्ला कैलाली कैलारी गा.पा.५ गोबरैला घाटबाट अबैध रुपमा भारतबाट भन्सार छलि गरि ल्याएका अन्दाजी मूल्य रु.४३,६००।- बराबरको बोईलर कुखुरा, सिद्रा माछा लगायतका सामानहरु शनिबार इलाका प्रहरी कार्यालय हसुलिया, कैलालीबाट खटिएको प्रहरीले बेवारिसे अबस्थामा फेला पारी आवश्यक प्रक्रिया पुरा गरि नियन्त्रणमा लिएको हो ।

मृत अवस्थामा फेला

२०८३-०३-०७

कैलाली:- जिल्ला कैलाली लम्कीचुहा न.पा.३ बल्चौर स्थित घर नजिकै पानी नभएको नालामा सोही ठाउँ बस्ने बर्ष ३८ को बुद्धि राम चौधरी शनिबार दिउँसो मृत अवस्थामा फेला परेका छन् । घटना सम्बन्धमा प्रहरीले आवश्यक अनुसन्धान गरिरहेको छ ।

अबैध लागूऔषध सहित मानिस नियन्त्रणमा

२०८३-०३-०७

कैलाली:- जिल्ला कैलाली धनगढी उ.म.न.पा.१७ पथरीबाट अवैध लागूऔषध खैरो हेरोईन जस्तो देखिने धुलो पदार्थ १ ग्राम ७० मिलिग्राम सहित सोही ठाउँ बस्ने बर्ष २६ को शंकर चौधरीलाई शनिबार साँझ प्रहरीले पक्राउ गरेको छ । जिल्ला प्रहरी कार्यालय कैलालीबाट खटिएको प्रहरीले शंका लागि चेकजाँच गर्दा उक्त पदार्थ फेला पारी उक्त पदार्थ सहित पक्राउ गरेको हो । कञ्चनपुर:- जिल्ला कञ्चनपुर भिमदत्त न.पा.१५ निम्बुखेडाबाट अवैध लागूऔषध खैरो हेरोइन जस्तो देखिने पदार्थ ३२० मिलिग्राम सहित सोही ठाउँ बस्ने समिर नेपालीलाई शनिबार राति प्रहरीले पक्राउ गरेको छ । लागूऔषधको कारोबार भइरहेको छ भन्ने गोप्य सुचनाको आधारमा जिल्ला प्रहरी कार्यालय कञ्चनपुरबाट खटिएको प्रहरीले निजलाई चेकजाँच गर्दा उक्त पदार्थ सहित पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको छ । अछाम:- जिल्ला अछाम मंगलसेन न.पा.८ ग्यानेगैडी स्थित सोही ठाउँ बस्ने बर्ष ५७ को भैरव प्रसाद भाटले संचालन गरेको किराना तथा चिया नास्ता पसलबाट ८ ग्राम १९० मिलिग्राम अवैध लागूऔषध चरेश जस्तो देखिने कालो पदार्थ र ५०० वटा सुकाएका गाँजाका बोट सहित निजलाई प्रहरीले पक्राउ गरेको छ । गोप्य सुचनाको आधारमा प्रहरी चौकी मंगलसेन, अछामबाट खटिएको प्रहरीले निजको पसल खानतलासी गर्दा पसल भित्र रहेको टेवल भित्र लुकाई छिपाई राखेको अवस्थामा उक्त पदार्थ फेला पारी आवश्यक प्रक्रिया पुरा गरि पक्राउ गरेको हो ।

अबैध भन्सार छलिका सामान नियन्त्रणमा

२०८३-०३-०६

कैलाली:- जिल्ला कैलाली कैलारी गा.पा.४ भितरीया घाटबाट अबैध रुपमा भारतबाट भन्सार छलि गरि ल्याएका अन्दाजी मूल्य रु.८,००,३००।- (आठ लाख तिन सय) बराबरको कुर्ती, टप्स, साइकल थान-२ लगायतका सामानहरु गयराति जिल्ला प्रहरी कार्यालय कैलालीबाट खटिएको प्रहरीले बेवारिसे अबस्थामा फेला पारी आवश्यक प्रक्रिया पुरा गरि नियन्त्रणमा लिएको हो ।

फरार प्रतिबादी पक्राउ

२०८३-०३-०६

कञ्चनपुर:- फैसला कार्यान्वयनको सिलसिलामा सम्मानित जिल्ला अदालत कञ्चनपुरको मिति २०८३।०३।०५ गतेको फैसलाले चोरी मुद्दामा २ बर्ष कैद सजाय र रु.४०,०००।– जरिवाना तोकिएको भिमदत्त न.पा.१८ कटान बस्ने बर्ष ३३ को बिमल नेपालीलाई जिल्ला प्रहरी कार्यालय कञ्चनपुरबाट खटिएको प्रहरीले शुक्रबार निजकै घर ठेगानाबाट पक्राउ गरेको हो ।

अबैध लागूऔषध सहित मानिस नियन्त्रणमा

२०८३-०३-०६

कैलाली:- जिल्ला कैलाली टिकापुर न.पा.८ श्रीलङ्काबाट अवैध लागूऔषध खैरो हेरोईन जस्तो देखिने धुलो पदार्थ ५ ग्राम ५० मिलिग्राम सहित जिल्ला बर्दिया, राजापुर न.पा.७ भिमापुर बस्ने बर्ष १९ को सनम थारुलाई शुक्रबार साँझ प्रहरीले पक्राउ गरेको छ । इलाका प्रहरी कार्यालय टिकापुर, कैलालीबाट खटिएको प्रहरीले शंका लागि चेकजाँच गर्दा उक्त पदार्थ फेला पारी उक्त पदार्थ सहित पक्राउ गरेको हो । यसैगरी, जिल्ला कैलाली धनगढी उ.म.न.पा.७ जेपि चोकबाट अवैध लागूऔषध खैरो हिरोइन जस्तो देखिने धुलो पदार्थ ५७० मिलिग्राम सहित २ जनालाई शुक्रबार राति प्रहरीले पक्राउ गरेको छ । पक्राउ पर्नेहरूमा सोही ठाउँ बस्ने बर्ष २५ को बेख लालराना र बर्ष २८ को भक्तु राना रहेका छन् । जिल्ला प्रहरी कार्यालय खटिएको प्रहरीले निजहरूलाई शंका लागि चेकजाँच गर्दा उक्त पदार्थ फेला पारि उक्त पदार्थ सहित पक्राउ गरेको हो ।