कञ्चनपुर:- मिति २०८१।०१।२६ गते १४:२० बजेको समयमा जिल्ला कञ्चनपुर, दोधारा चाँदनी न.पा. २ कमलाशा टोल बस्ने मान सिंह बिष्टको कच्ची गोठ र भान्छा कोठामा बिद्युतको तार सट भइ आगलागी हुँदा भान्छाकोठा, गोठ, गहुँ, कुर्सी लगायतका सामानहरु गरि अन्दाजी रु.७५,०००।–  बराबरको धनमाल जलेर नष्ट भएको, मानबिय तथा चौपाया क्षती नभएको, प्रहरी र स्थानियको सहयोगमा आगलागी नियन्त्रणमा लिईएको, सो सम्बन्धमा प्रहरीले आवश्यक अनुसन्धान गरिरहेको ।   

   यसैगरी, मिति २०८१।०१।२६ गते १४:१० बजेको समयमा जिल्ला कञ्चनपुर, कृष्णपुर न.पा.१ कुन्ज कल्ली स्थित राष्ट्रिय मा.वि. को जमिन भाडामा लिई सोही ठाउँ बस्ने मनबिरे राम भुलको काठ र जस्ता पाताले बनेको दुई तले बाख्रा तथा कुखुरा पालन गर्ने, हाल खाली रहेको कृषि फर्ममा बिद्युतको तार सट भइ आगलागी हुँदा अन्दाजी रु. ५,००,०००।– (पाँचलाख) बराबरको धनमाल जलेर नष्ट भएको, मानबिय तथा चौपाया क्षती नभएको, प्रहरी र स्थानियको सहयोगमा आगलागी नियन्त्रणमा लिईएको, सो सम्बन्धमा प्रहरीले आवश्यक अनुसन्धान गरिरहेको ।