बझाङ:- मिति २०८१।०२।१२ गते रातिको समयमा जिल्ला बझाङ, बित्थडचिर गा.पा.४ बस्ने बर्ष ४५ को राम बहादुर बोहरा घर परिवार सँगै खाना खाएर आफ्नै घरको छुट्टै कोठामा सुतेकोमा २०८१।०२।१३ गते बिहान अबेर सम्म नउठेको हुँदा कोठामा गई  आफन्तले उठाउन खोज्दा मृत अवस्थामा फेला परेका, सो सम्बन्धमा जिल्ला प्रहरी कार्यालय बझाङबाट प्रहरी टोली खटि गई आवश्यक अनुसन्धान भइरहेको ।

कैलाली:- मिति २०८१।०२।१३ गते १२:०० बजेको समयमा जिल्ला कैलाली, गोदावरी न.पा. ८ जमुनाभाडी स्थित हाइबे देखि अन्दाजी ७००/८०० मिटर भित्री नालामा गोदावरी न.पा.८ बस्ने बर्ष ५५ को नर बहादुर धामी मृत अवस्थामा फेला परेको, सो सम्बन्धमा इलाका प्रहरी कार्यालय मालाखेती, कैलालीबाट प्रहरी टोली खटि गई आवश्यक अनुसन्धान गरिरहेको ।