कञ्चनपुर, भिमदत्त नगरपालिका-१३ बुद्दचोकबाट अवैध लागूऔषध खैरो हेरोइनकरिब २ सय ८० मिलिग्राम र चरेस २ सय ६० मिलिग्रामसहित २ जनालाई सोमबार दिउँसो प्रहरीले पक्राउ गरेको छ । पक्राउ पर्नेहरूमा शुक्लाफाटा नगरपालिका-१ बन्साह घर भई भिमदत्त नगरपालिका-१३ बुद्दचोक डेरा गरी बस्ने २३ वर्षीया यसोधा राना र कैलाली गोदावरी नगरपालिका-२ बस्ने २२ वर्षीय राजु औजी रहेका छन् । जिल्ला प्रहरी कार्यालय कञ्चनपुरबाट खटिएको प्रहरीले जिल्ला अदालत कञ्चनपुरको २०८० जेठ ५ गतेको लागूऔषध मुद्दामा पक्राउ आदेश जारी भई फरार रहेकी यसोधा रानालाई पक्राउ गर्ने क्रममा उनकै कोठाबाट उक्त लागूऔषधसहित राजुलाईसमेत पक्राउ गरेको हो ।