कैलाली:- मिति २०८१।०२।२२ गते १५:०० बजेको समयमा जिल्ला कैलाली, चुरे गा.पा.३ भक्तपुर स्थित बिपिनगर सडकखण्डमा सहजपुर बाट बिपिनगर तर्फ जादै गरेको सु.प.प्र.०१००२ त ५२७८ नम्बरको ट्याक्टरले ओभर टेक गर्ने क्रममा भे २ त १५१६ नम्बरको ट्याक्टर लाई ठक्कर दिदा भे २ त १५१६ नम्बरको ट्याक्टर सडकमा पल्टिन गई सोही ट्याक्टरको चालक जिल्ला डोटी, जोराईल गा.पा.४ बस्ने बर्ष अन्दाजी १९/२० को हेमन्त रावलको घटनास्थलमै मृत्यु भएको, सोहि ट्याक्टरमा सवार जिल्ला डोटी, जोराईल गा.पा.४ बस्ने बर्ष अन्दाजी २०/२२ को लक्की बादी र जिल्ला कन्चनपुर, भिमदत्त न.पा.१५ बस्ने बर्ष १७ को गजेन्द्र दमाई घाईते भई माया मेट्रो अस्पताल धनगढीमा उपचार भईरहेको, सु.प.प्र.०१००२ त ५२७८ नम्बरको ट्याक्टर चालकलाई प्रहरीले नियन्त्रणमा लिई आवश्यक अनुसन्धान गरिरहेको ।

   यसैगरी, मिति २०८१।०२।२२ गते २३:५५ बजेको समयमा जिल्ला कैलाली, घोडाघोडी न.पा.४ भालुफाँटा स्थित पुर्व-पश्चिम राजमार्गमा म.प्र.०३-००२ ख ००११ नम्बरको ट्रक र सु.प.प्र. ०१-०११ प ४४४३ नम्बरको  मोटरसाइकल एक आपसमा ठोकीई दुर्घटना हुदाँ मोटरसाइकल चालक ऐ. ४ बस्ने बर्ष अन्दाजी २२/२३ को कमल तिरुवा गम्भिर घाइते भएकोमा मिति २०८१/०२/२३ गते ०१:४० बजेको समयमा उपचारको क्रममा निसर्ग अस्पताल धनगढी कैलालीमा मृत्यु भएको, दुर्घटनामा संलग्न  ट्रक र ट्रक चालक जिल्ला दोलखा, बिगु गा.पा. ४ बस्ने बर्ष ५० को पदम बहादुर बुढाथोकीलाई प्रहरीले नियन्त्रणमा लिई आवश्यक अनुसन्धान गरिरहेको ।