कञ्चनपुर:- मिति २०८१।०२।२५ गते २०:२० बजेको समयमा जिल्ला कञ्चनपुर, बेदकोट न.पा.६ घुर्सुवाबाट लागू औषधको कारोबार भईरहेको छ भन्ने गोप्य सुचनाको आधारमा चेकजाँच गर्दा सोही ठाउँ बस्ने २७ को अबिशेक चटौतलाई ०.०९ ग्राम लागू औषध खैरो हेरोईन जस्तो देखिने धुलो पदार्थ सहित नियन्त्रणमा लिईएको र निजलाई सोधपुछ गर्दा ऐ. बस्ने सागर साउँदले लागू औषध किनबेच गर्छ भनि खुल्न आएकोले निज सागर साउँदको घरमा समेत खानतलासी गर्दा निजको घरको कोठाको खाट मुनि लुकाई छिपाई राखेको अवस्थामा ०.११ ग्राम लागू औषध खैरो हिरोईन जस्तो देखिने धुलो पदार्थ, डिजिटल काँटा र प्लाष्टिकको पुडिया बनाउन काटेको कालो प्लाष्टिक बरामद भएको र निज सागर साउँद घरमा फेला नपरेकोले निजको खोजि कार्यका साथै सो सम्बन्धमा थप अनुसन्धान भईरहेको ।

   यसैगरी,  मिति २०८१।०२।२५ गते ००:३० बजेको समयमा जिल्ला कञ्चनपुर, भिमदत्त न.पा. ४ गोबरिया बस्ने वर्ष ३१ को रवि सिंह भाटको घरमा लागू औषध कारोबार भई रहेको भन्ने गोप्य सुचनाको आधारमा निजको घरमा खानतलासी गर्दा घर भित्र लुकाई छिपाई  राखेको लागू औषध PHENERGAN Ampul थान २०५, REXOGESIC Ampul थान ३४ र प्रयोग भएको सिरिञ्ज थान १ समेत बरामद गरी निज रबि सिंह भाटलाई  नियन्त्रणमा लिईएको, थप अनुसन्धान भईरहेको ।