कैलाली:- मिति २०८१।०२।३० गते २३:३० बजेको समयमा जिल्ला कैलाली, धनगढी उ.म.न.पा. ७ जोख्खर तालमा ऐ. १६ बस्ने बर्ष २६ को किरण जोशीले चलाएको मोटरसाइकल चेकजाँच गर्दा उक्त मोटरसाइकलमा सवार ऐ. बस्ने बर्ष ३१ को अकिंत चौधरी र ऐ.६ बस्ने बर्ष २६ को रामभजन रानालाई २०० मिलिग्राम लागू औषध खैरो हेरोईन जस्तो देखिने धुलो पदार्थ र उक्त मोटरसाइकल थान-१ सहित नियन्त्रणमा लिईएको, साथै निज ३ जना मध्येबाट रामभजन राना सम्मानित जिल्ला अदालत कैलालीको फैसलाले चोरी मुद्दामा रु.१,४९,३७५।-जरिवाना तोकिइ फरार रहेको फरार प्रतिबादि रहेको कुरा खुल्न आएको, सो सम्बन्धमा थप अनुसन्धान भईरहेको ।

   कञ्चनपुर:- मिति २०८१।०२।३० गते १६:४५ बजेको समयमा जिल्ला कञ्चनपुर, दोधारा चाँदनी न.पा.७ बाबाथानबाट ऐ. बस्ने वर्ष २७ को सुरज सुनारलाई शंका लागी चेकजाँच गर्दा निजले पाइन्टको बाँया खल्तीमा लुकाई छिपाई राखेको अवस्थामा १५.३ ग्राम लागू औषध चरेस फेला पारी निजलाई सोधपुछ गर्दा उक्त लागू औषध ऐ. २ पुर्णा टोल बस्ने वर्ष ५० को गणेश सिंह साउदबाट खरिद गरेको भन्ने सूचनाको आधारमा निज गणेश सिंह साउदको ऐ. स्थित पसलमा खानतलासी गर्दा लुकाइछिपाई राखेको ६० ग्राम लागू औषध चरेस जस्तो देखिने कालो ठोस पदार्थ फेला पारी उक्त पदार्थ सहित दुवै जनालाई नियन्त्रणमा लिईएको, थप अनुसन्धान भईरहेको ।