कैलाली, धनगढी उपमहानगरपालिका-१८ एफ गाँउ २७ वर्षीय शालिम चौधरीको चट्याङ लागेर बुधबार बिहान मृत्यु भएको छ । आफ्नै घर नजिक रहेको खेतमा रोपाई गर्ने क्रममा चट्याङ लागेर गम्भीर घाइते भएका उनको सेती प्रादेशिक अस्पताल धनगढीमा उपचारको क्रममा मृत्यु भएको हो ।

   यसैगरी कैलाली, जोशीपुर गाउँपालिका-३ भितरिया बस्ने ३१ वर्षीय जयराम डगौराको चट्याङ लागेर बुधबार बिहान मृत्यु भएको छ । आफ्नै खेतमा आली बनाउने क्रममा चट्याङ लागेर गम्भीर घाइते भएका उनको स्थानीय महापार्वती क्लिनिकमा उपचारको क्रममा मृत्यु भएको हो । यस सम्बन्धमा प्रहरीले आवश्यक अनुसन्धान गरिरहेको छ ।