कैलाली:- मिति २०८१।०३।२३ गते १६:३५ बजेको समयमा जिल्ला कैलाली, कैलारी गा.पा.९ गदरिया बस्ने बर्ष अन्दाजी १७/१८ को अजय राना ऐ. स्थित भुररा नदिमा नुहाउने क्रममा डुबी बेपत्ता भएको खबर प्राप्त हुनासाथ ईलाका प्रहरी कार्यालय हसुलिया, कैलालीबाट प्रहरी टोली खटिई गई खोजतलास भईरहेको, हालसम्म लाश फेला नपरेको, प्रहरीले आवश्यक अनुसन्धान गरिरहेको । 

   कञ्चनपुर:- मिति २०८१।०३।२३ गते ०८:०० बजेको समयमा जिल्ला कञ्चनपुर, बेलडाँडी गा.पा.३ बस्ने  बर्ष अन्दाजी २२/२३ को डम्मर चौधरी ऐ.५ स्थित चौदारा नदीमा माछा मार्न गएको अवस्थामा खोलाले बगाई डुबी बेपत्ता भएको खबर प्राप्त हुनासाथ प्रहरी चौकी झिलमिला, कञ्चनपुरबाट प्रहरी टोली खटिई गई खोजतलास भईरहेको, हालसम्म लाश फेला नपरेको, प्रहरीले आवश्यक अनुसन्धान गरिरहेको ।