अबैध भन्सार छलिका सामान बरामद
२०८१-०४-२२
- A
- A-
- A+
कैलाली:- मिति २०८१।०४।२१ गते कैलाली जिल्लाको बिभिन्न स्थानहरु धनगढी उ.म.न.पा. २ ट्राफिक चौराहा, टीकापुर न.पा.९ ठोसे बजार स्थित भित्री सडक खण्ड, जोशीपुर गा.पा.३ लक्कड र कैलारी गा.पा.४ “के” गाँउको जङ्गलबाट अबैंध रुपमा भारतबाट भन्सार छलि गरि ल्याएका अन्दाजी मूल्य रु.१,३८,०७०।– बराबरको चिनी, बिडी, सुर्ती, गुट्खा, बदाम, किसमिस, सिद्रा माछा, बोईलर कुखुरा लगायतका सामानहरु जिल्ला प्रहरी कार्यालय कैलाली तथा मातहत कार्यालयबाट खटिएको प्रहरी गस्ती टोलीले वेवारिसे अवस्थामा फेला पारी आवश्यक प्रक्रिया पुरा गरि नियन्त्रणमा लिएको ।
कञ्चनपुर:- मिति २०८१।०४।०२१ गते कञ्चनपुर जिल्लाको बिभिन्न स्थानहरु बजे भिमदत्त न.पा. ५ विश्वकर्मा मन्दिर नजिक, ऐ.९ जिरो प्वाईन्ट र ऐ. १० बिद्युत कार्यालय नजिकबाट अबैंध रुपमा भारतबाट भन्सार छलि गरि ल्याएका अन्दाजी मूल्य रु.१,४५,३८०।– बराबरको चिनि, दाल, चना, खाने तेल, सरफ, गुड, बेसन, चकलेट, खुर्सानी, साडी, धोती, सुट पिस, सुटको थान कपडा, कुर्ती, आईरन, हाडवेयरका सामान, किरानाका सामान लगायतका सामानहरु जिल्ला प्रहरी कार्यालय कञ्चनपुर मातहत कार्यालयबाट खटिएको प्रहरी गस्ती टोलीले वेवारिसे अवस्थामा फेला पारी आवश्यक प्रक्रिया पुरा गरि नियन्त्रणमा लिएको ।
डडेल्धुरा:- मिति २०८१।०४।२१ गते १०:४० बजेको समयमा जिल्ला डडेल्धुरा, पर्शुराम न.पा.५ बहादुरे खोला नजिकबाट अबैंध रुपमा भारतबाट भन्सार छलि गरि ल्याएका अन्दाजी मूल्य रु.२४,०००।– बराबरको MRF नामक २ वटा टायर प्रहरी चौकी शिर्ष, डडेल्धुराबाट खटिएको प्रहरी गस्ती टोलीले वेवारिसे अवस्थामा फेला पारी आवश्यक प्रक्रिया पुरा गरि नियन्त्रणमा लिएको ।