कैलाली:- मिति २०८१।०४।२३ गते १५:०० बजेको समयमा सुदूरपश्चिम प्रदेश प्रहरी कार्यालय, धगढी र अस्थायी प्रहरी पोष्ट जुगेडा, कैलालीबाट संयुक्त रुपमा खटिएको प्रहरी टोलीले जिल्ला कैलाली, धनगढी उ.म.न.पा.१२ शिमलघाट नजिकबाट भारत लखिमपुर खीरी, सुडा बस्ने बर्ष ४५ को छोटेलाल रानालाई ३ ग्राम ३७० मिलिग्राम लागू औषध खैरो हेरोईन जस्तो देखिने धुलो पदार्थ सहित फेला पारि आवश्यक प्रक्रिया पुरा गरी नियन्त्रणमा लिएको, थप अनुसन्धान भईरहेको । 

     यसैगरी, मिति २०८१।०४।२३ गते १७:३० बजेको समयमा जिल्ला प्रहरी कार्यालय कैलालीबाट खटिएको प्रहरी टोलीले जिल्ला कैलाली, गोदावरी न.पा.८ बाट ऐ.ऐ. बस्ने बर्ष २६ को सुरेन्द्र चौधरीलाई  ४७० मिलिग्राम लागू औषध खैरो हेरोईन जस्तो देखिने धुलो पदार्थ सहित फेला पारि आवश्यक प्रक्रिया पुरा गरी नियन्त्रणमा लिएको, थप अनुसन्धान भईरहेको ।