कञ्चनपुर:- मिति २०८१।०५।२५ गते १६:०० बजेको समयमा इलाका प्रहरी कार्यालय गड्डाचौकी, कञ्चनपुरबाट खटिएको प्रहरी गस्ति टोलीले जिल्ला कञ्चनपुर, भिमदत्त न.पा.११ गड्डाचौकीको होल्डिङ सेन्टरबाट शंका लागि चेकजाँच गर्दा ऐ. न.पा. ७ बस्ने बर्ष २२ को केशव राज भट्ट र बर्ष २३ को भरत जाग्रीलाई ५.०५ ग्राम लागूऔषध खैरो हेरोईन जस्तो देखिने धुलो पदार्थ सहित फेला पारि उक्त पदार्थ सहित निजहरु दुवै जनालाई नियन्त्रणमा लिएको, थप अनुसन्धान भईरहेको ।

   यसैगरी,  मिति २०८१।०५।२५ गते १९:३० बजेको समयमा लागू औषध नियन्त्रण व्युरो शाखा कार्यालय महेन्द्रनगर र इलाका प्रहरी कार्यालय दोधरा चाँदनी, कञ्चनपुरबाट खटिएको संयुक्त प्रहरी टोलीले गोप्य सुचनाको आधारमा जिल्ला कञ्चनपुर, दोधारा चाँदनी न.पा. १ पक्की पुल नजिकबाट शंका लागि चेकजाँच गर्दा ऐ. भि.न.पा.१२ बस्ने बर्ष २२ को आशिष जोशीलाई ०.२६ ग्राम लागूऔषध खैरो हेरोईन जस्तो देखिने धुलो पदार्थ सहित फेला पारि उक्त पदार्थ सहित निजलाई नियन्त्रणमा लिएको, थप अनुसन्धान भईरहेको ।