कैलाली- मिति २०७९।१०।२१ गते कैलालीको बिभिन्न स्थानहरुबाट लागु औषध  ब्राउनसुगर सहित ६ जनालाई प्रहरीले पक्राउ गरेको हो । जिल्ला प्रहरी कार्यालय कैलाली,ईलाका प्रहरी कार्यालय भजनी,प्रहरी चौकी त्रिनगर कैलालीबाट खटिई गएको प्रहरी टोलीले ध.उ.म.न.पा.२ त्रिनगर ब्यारेलबाट धनगढी उ.म.न.पा.१३ बस्ने बर्ष २३ को सन्तोष रानालाई शंका लागि चेकजाच गर्दा निजको साथबाट १ ग्राम ४३० मिलिग्राम ब्राउनसुगर, ऐ. ९ बस्ने बङग्राकटान  स्थित धनगढी उ.म.न.पा.१० बस्ने बर्ष ५० को राम नारायण रानाको साथबाट ४५० मिलिग्राम ब्राउनसुगर,ऐ.२ राम जानकी टोलबाट जि.डोटी आदर्श गा.पा.२ घर भई हाल ध.उ.म.न.पा.२ रामजानकी टोलमा डेरा गरी बस्ने बर्ष १९ की आयुसा उपाध्याय र ऐ.३ मिलन चोक बस्ने बर्ष १५ की करिस्मा छेदालको साथबाट ६९० मिलि ग्राम (पलाष्टिक सहित) ला.औ.ब्राउन सुगर फेला पारेको,भजनी न.पा.३ कुसुमघाट स्थित टिकापुर न.पा.८ बटमपुर बस्ने बर्ष २५ को आकाश चौधरीले चलाएको से.५ प २०८९ नं.को मो.सा.चेकजाँच गर्ने क्रममा सोही मो.सा.पछाडी सवार ऐ.७ दिव्यपुर बस्ने बर्ष २९ कि सिवास्नी चौधरीको साथबाट ३०.५७ ग्राम ला.औ.खैरो हिरोईन जस्तो देखिने धुलो पदार्थ फेला पारी प्रहरी टोलीले पक्राउ गरेको हो । सो सम्बन्धमा प्रहरीले थप अनुसन्धान गरिरहेको छ ।