दार्चुला:- मिति २०८१।०५।३० गते १८:०० बजेको समयमा गोप्य सूचनाको आधारमा जिल्ला दार्चुला, महाकाली न.पा. ४ खंलगा विद्यानगर बस्ने बर्ष ५७ को गोबिन्द धानुकको घरको माथिल्लो तल्लामा लुकीछिपी जुवातास खेलिरहेको अवस्थामा जिल्ला प्रहरी कार्यालय दार्चुलाबाट खटिएको प्रहरी टोलीले खानतलासी गर्दा घरको कोठाबाट जुवातास खेलिरहेको अवस्थामा निज गोबिन्द धानुक (घर धनी) सहित ८ जना मानिसहरुलाई  नगद रु. ९३,२२०।- र १ गड्डी तास सहित नियन्त्रणमा लिएको, सो सम्बन्धमा प्रहरीले आवश्यक अनुसन्धान गरिरहेको छ ।