कैलाली-मिति २०७९।१०।२३ गतेको दिउसो जिल्ला प्रहरी कार्यालय कैलालीबाट खटिई गएको प्रहरी टोलीले  धनगढी उ.म.न.पा.२ बस्ने बर्ष ३८ की गिता थापालाई चेक अनादर मुद्धामा सम्मानित कैलाली जिल्ला अदालत कैलालीको मिति ०७८।०१।०७ गतेका फैसलाले रु.५०० जरीवाना तोकीएकोले फैसला मितिबाटै फरार रहेकोमा निजलाई ऐ.ठाँउ बाट पक्राउ गरेको हो ।

     कञ्चनपुर- यसैगरि २०७९।१०।२३ गतेको दिउसो जिल्ला प्रहरी कार्यालय कञ्चनपुबाट खटिई गएको प्रहरी टोलीले  जिल्ला कञ्चनपुर,भिमदत्त न.पा.३ तिलकपुर बस्ने चोरी मुद्दामा फरार प्रतिवादी सुरेश कार्कीलाई मिति ०७८।०९।२१ गते सम्मानित कञ्चनपुर जिल्ला अदालतको फैसला अनुसार २ महिना कैद र रू.२,०००।- जरिवाना भएकोले निज सोही मितिबाट भागी फरार रहेकोमा निजलाई आफ्नै घरमा लुकिछिपी बसेको अवस्थामा फेला पारी पक्राउ गरेको हो ।  निजहरुलाई आवश्यक कारबाहीको लागी सम्मानित जिल्ला अदालतमा प्रहरीले पेश गरेको छ ।