कैलाली:- मिति २०८१।०६।२२ गते जिल्ला कैलाली, गौरीगंगा न.पा.७ लहानुचोक स्थित दिपक धामीको खाली घरको कोठामा शंकास्पद रुपमा बसिरहेका अवस्थामा चेक-जाँचको क्रममा ऐ.वडा नं. ८ बस्ने बर्ष  २६ को रुपेन्द्र कलेल र ऐ. लिक्मा बस्ने बर्ष २६ को पदम बहादुर कलेलले सोही कोठामा लुकाई छिपाई राखेको २ ग्राम ३५१ मिलिग्राम लागु औषध खैरो हेरोईन जस्तो देखिने धुलो पदार्थ र नाप तौल गर्ने तराजु बरामद गरी उक्त पदार्थ सहित निजहरु दुबै जनालाई इलाका प्रहरी कार्यालय सडकपुर बौनिया कैलालीबाट खटिएको प्रहरी टोलीले नियन्त्रणमा लिएको, थप अनुसन्धान भईरहेको ।

     कञ्चनपुर:- मिति २०८१।०६।२२ गते जिल्ला कञ्चनपुर, शुक्लाफाँटा न.पा.१० झलारी स्थित पूर्ब-पश्चिम राजमार्गबाट ऐ.न.पा. ६ कसरौल बस्ने बर्ष २५ को रमेश खातीलाई शुद्ध तौल २ ग्राम १६ मिलिग्राम चरेश जस्तो देखिने कालो पदार्थ सहित इलाका प्रहरी कार्यालय झलारी, कंचनपुरबाट खटिएको प्रहरी टोलीले नियन्त्रणमा लिएको, थप अनुसन्धान भईरहेको ।