कञ्चनपुर :- मिति २०८१।०८।०५ गते ०१:३० बजेको समयमा इलाका प्रहरी कार्यालय ब्रहमदेव र सशस्त्र प्रहरी बल बिओपी खल्ला, कञ्चनपुरबाट संयुक्त खटिगएको गस्ति टोलीले जिल्ला कञ्चनपुर, भिमदत्त न.पा.९ कालीगाडा खोलाबाट हतियार धारी अन्दाजी १० जनाको समुह गस्ती टोलीलाई देखी भाग्ने क्रममा जिल्ला कञ्चनपुर, भिमदत्त न.पा. ९ टुडिखेल बस्ने वर्ष ५३ को गगन तरामी र वर्ष ५५ को प्रेम बहादुर धामीलाई २ नाल भरूवा बन्दुक, २ प्याकेट बारुद, बन्दुकको सिसा ३८ टुक्रा, फलाम २७ टुक्रा, बन्दुकको क्याप १२ वटा र खुकुरी थान-२  समेत फेला परेकोमा बरामद उल्लेखित हातहतियार सहित नियन्त्रणमा लिएको, सो सम्बन्धमा प्रहरीले थप अनुसन्धान गरिरहेको ।