कैलाली:- मिति २०८१।०८।०७ गते १६:३० बजेको समयमा इलाका प्रहरी कार्यालय मालाखेती र लागू औषध नियन्त्रण ब्युरो शाखा कार्यालय धनगढी,  कैलालीबाट संयुक्त रुपमा खटिएको प्रहरी टोलीले जिल्ला कैलाली, गोदावरी न.पा. ८ फकलपुर स्थित संकास्पद रुपमा हिडिरहेको अवस्थामा चेकजाँच गर्दा सोही ठाउँ बस्ने बर्ष ३५ को निर्मल चौधरीलाई १ ग्राम ५० मिलिग्राम लागू औषध खैरो हेरोइन जस्तो देखिने धुलो पदार्थ सहित नियन्त्रणमा लिएको, थप अनुसन्धान भईरहेको ।  

    यसैगरी,  मिति २०८१।०८।०७ गते १६:२० बजेको समयमा विषेश सुचनाको आधारमा इलाका प्रहरी कार्यालय चिसापानी, कैलाली र लागू औषध नियन्त्रण ब्युरो शाखा कार्यालय महेन्द्रनगर, कञ्चनपुरबाट संयुक्त रुपमा खटिएको प्रहरी टोलीले जिल्ला कैलाली, लम्किचुहा न.पा.३ चिसापानी खैरेनी स्थित पूर्व पश्चिम राजमार्गको दक्षिण तर्फ उभिरहेको अवस्थामा जिल्ला कालिकोट, पचालझरना गा.पा. ६ बस्ने वर्ष २८ को अर्जुन बुढा र वर्ष २७ को विरेन्द्र बुढालाई चेकजाँच गर्दा निजहरुले बोकेको झोलामा लुकाई छिपाई राखेको अवस्थामा २ केजी ७५ ग्राम लागू औषध चरेश जस्तो देखिने कालो पदार्थ सहित निजहरु दुवै जनालाई नियन्त्रणमा लिएको, थप अनुसन्धान भईरहेको ।       

     दार्चुला:- मिति २०८१।०८।०७ गते १९:०० बजेको समयमा प्रहरी चौकी शंकरपुर पस्ती, दार्चुलाबाट खटिएको प्रहरी टोलीले जिल्ला दार्चुला, मालिकार्जुन गा.पा. ८ ऐरीछानाबाट सोही ठाउँ बस्ने वर्ष ५२ को धन सिंह धामीलाई ६.९६  ग्राम लागू औषध चरेश जस्तो देखिने कालो पदार्थ सहित फेला पारि नियन्त्रणमा लिएको, थप अनुसन्धान भईरहेको ।