कैलाली:- मिति २०८१।०८।१८ गते २०:३० बजेको समयमा जिल्ला कैलाली, बर्दगोरिया गा.पा.०२ बौनिया स्थित द्वारिका प्रशाद धमालाको ४ तले पक्की घरको बिचको तलामा रहेको कपडाको गोदाममा आगलागी हुँदा गोदाम भित्र रहेको कपडा तथा इलेक्ट्रिक लगायतका सामानहरु गरि अन्दाजी मुल्य रु. ८०,००,०००।– बराबरको धनमाल जलेर नष्ट भएको, उक्त आगलागीबाट घरधनि बर्ष ८२ को मुक्ति प्रसाद धमला धुँवाले निसास्सियर अचेत भई खापर पोलिक्लिनिक बौनियामा उपचार भईरहेको, आगलागी नियन्त्रण लिने क्रममा सोही ठाउँ बस्ने बर्ष ३९ को टेकराज जोशी र प्रहरी जवान टंकध्वज मगर घाईते भई बर्दगोरिया अस्पताल प्रा.लि.बौनिया कैलालीमा उपचार भईरहेको र उक्त आगलागी प्रहरी, स्थानिय र दमकलको सहयोगमा नियन्त्रणमा लिईएको, सो सम्बन्धमा प्रहरीले आवश्यक अनुसन्धान गरिरहेको ।