दार्चुला:-  मिति २०८१।०८।१८ गते रातीको समयमा जिल्ला दार्चुला, महाकाली न.पा. ४ खलंगा स्थित सांग्रिला डेभलपमेन्ट बैंक लिमिटेडको शाखा कार्यालय दार्चुलाको झ्याल फोडी चोरी भएको भनि मिति २०८१।०८।१९ गते १०:०० बजे जिल्ला प्रहरी कार्यालय दार्चुलामा जानकारी प्राप्त हुनासाथ जिल्ला प्रहरी कार्यालय दार्चुलाबाट प्रहरी टोली खटिगई घटनास्थलमा अनुसन्धान गर्दा उक्त चोरी घटनाको वारदातमा ऐ.ऐ. तल्लासैन बस्ने बर्ष २३ को तुसार लुहार संलग्नता रहेको तथ्य देखिन आई निजको घरकोठा खानतलासी गर्दा उक्त बैंकबाट चोरी भएको नगद रु. ८४,५००।- (चौरासी हजार पांच सय मात्र), बैंकको ट्याग भएको कार्टुन र सो कार्टुन भित्र रहेको हेड सिसिटिभि क्यामेरा थान-१, ATM कार्ड थान ४ (चार), फिक्स डिपोजिट सर्टिफिकेट थान १ (एक) र बैंकको स्टोर रुमबाट चोरी भएको खुकुरी थान-१ (एक), चोरी गर्दा प्रयोग गरेको हेल्मेट, कपडा र जुत्ता समेत बरामद गरी निजलाई आवश्यक कारवाहीको लागि नियन्त्रणमा लिएको, सो सम्बन्धमा थप अनुसन्धान भईरहेको ।