कैलाली:-  मिति २०८१।०९।२५ गते कैलाली जिल्लाको बिभिन्न स्थानहरु धनगढी उ.म.न.पा.२ रामजानकी मन्दिर नजिक, कालिका मन्दिर नजिक, ऐ. १० गणपती इटाभट्टा नजिक, ऐ. १९ लल्लीपुर र गोदावरी न.पा.४ बनदेबीबाट अबैंध रुपमा भारतबाट भन्सार छलि गरि ल्याएका अन्दाजी मूल्य रु.२,६२,०००।– बराबरको चिनी, बदाम, बिडी, सुर्ती, बच्चाको कपडा, सल, हाईनेक, टाउजर, उलन सर्ट, स्विटर, रेलिङ पिल्लर, JCB का पार्ट लगायतका सामानहरु जिल्ला प्रहरी कार्यालय कैलाली तथा मातहत कार्यालयबाट खटिएको प्रहरी गस्ती टोलीले बेबारिसे अवस्थामा फेला पारी नियन्त्रणमा लिएको ।           

      कञ्चनपुर:-  मिति २०८१।०९।२५ गते कञ्चनपुर जिल्लाको बिभिन्न स्थानहरु भिमदत्त.न.पा.१७ मझगाउँ र लालझाडी गा.पा.२ कुन्जबाट अबैंध रुपमा भारतबाट भन्सार छलि गरि ल्याएका अन्दाजी मूल्य रु.६२,३२०।– बराबरको चिनि, गुडपट्टी, सुर्ती, बिस्कुट, साबुन, हार्डवेयर, किराना लगायतका सामानहरु  सुदूरपश्चिम प्रदेश प्रहरी कार्यालय धनगढी र जिल्ला प्रहरी कार्यालय कञ्चनपुर मातहत कार्यालयबाट संयुक्त रुपमा खटिएको प्रहरी गस्ती टोलीले बेबारिसे अवस्थामा फेला पारी नियन्त्रणमा लिएको ।