कैलाली:-  मिति २०८१।१०।०८ गते १६:०० बजेको समयमा जिल्ला कैलाली, धनगढी उ.म.न.पा.२ त्रिनगर भन्सार कार्यालय नजिकबाट जिल्ला कैलाली, गोदावरी न.पा.५ बस्ने बर्ष १९ को नविन नेपाली समेत दुई जनालाई १३ ट्याब्लेट नाईट्राभेट र ४ क्याप्सुल स्पास नामक लागू औषध फेला पारी उक्त पदार्थ, निजहरुले प्रयोग गरेको सु.प.प्र.०१०११ प ५३५१ नम्बरको मोटरसाईकल र निजहरु दुवै जनालाई जिल्ला प्रहरी कार्यालय कैलालीबाट खटिएको प्रहरी टोलीले नियन्त्रणमा लिएको, थप अनुसन्धान भईरहेको ।               

     यसैगरी, मिति २०८१।१०।०८ गते १६:४५ बजेको समयमा जिल्ला कैलाली, धनगढी उ.म.न.पा.२ त्रिनगर भन्सार कार्यालय नजिकबाट ऐ.७ मनेहरा बस्ने बर्ष २४ को सन्दिप चौधरीलाई ८५० मिलिग्राम लागू औषध खैरो हेरोइन जस्तो देखिने धुलो पदार्थ सहित जिल्ला प्रहरी कार्यालय कैलालीबाट खटिएको प्रहरी टोलीले नियन्त्रणमा लिएको, थप अनुसन्धान भईरहेको ।   

    यसैगरी, मिति २०८१।१०।०८ गते २१:२५ बजेको समयमा लागू औषध चरेश विक्री वितरण भईरहेको छ भन्ने गोप्य सुचनाको आधारमा जिल्ला कैलाली, लम्कीचुहा न.पा.१० चुहा स्थित सोही ठाउँ बस्ने वर्ष ५० की कमला रावतले सञ्चालन गरेको पसलमा खानतलासी गर्दा ७०० ग्राम लागू औषध चरेश जस्तो देखिने कालो पदार्थ सहित इलाका प्रहरी कार्यालय लम्की, कैलालीबाट खटिएको प्रहरी टोलीले नियन्त्रणमा लिएको, थप अनुसन्धान भईरहेको ।