कैलाली:- मिति २०८१।११।१७ गते अं.१४:४५ बजेको समयमा जि.कैलाली धनगढी उप-महानगरपालिका १ पुष्पलाल चोक नजिकबाट ६० मिलिग्राम अबैध लागु औषध जस्तो देखिने खैरो धुलो पदार्थ सहित सोही ठाँउ बस्ने बर्ष ३० को लोकेन्द्र कठायत र प्रहरी माथि हातपात तथा अभद्र व्यवहार गर्ने सोही ठाँउ बस्ने  बर्ष अं.२०।२१ को मनिष कुन्जेडा (ला.औ.सेवनकर्ता )लाई जिल्ला प्रहरी कार्यालय कैलालीबाट खटिएको प्रहरी टोलीले पक्राउ गरेको, सो सम्बन्धी थप अनुसन्धान भई रहेको ।  

      कञ्चनपुर:- मिति २०८१।११।१८ गते अं.०१:०० बजेको समयमा जिल्ला कञ्चनपुर भिमदत्त न.पा. ३ भाँसी स्थित ब्रहमदेव जाने सडक खण्डमा जिल्ला कञ्चनपुर भिमदत्त न.पा. ३ बस्ने वर्ष २७ को अजय चौधरीले चलाएको सु प प्र ०२ ००४ प १३१६ नं. को मोटरसाईकललाई रोकी चेकजाँच गर्दा मोटरसाईकलमा सवार जिल्ला कञ्चनपुर भिमदत्त न.पा.३ बस्ने बर्ष २५ को राकेश चौधरीको साथबाट ०.५ ग्राम अबैध लागु औषध जस्तो देखिने खैरो धुलो पदार्थ फेलापारी मोटरसाईकलमा सवार अर्का एक जना १८ बर्षिय भारतिय युवक सहित तिनै जनालाई वडा प्रहरी कार्यालय महेन्द्रनगर कञ्चनपुरबाट खटिएको प्रहरी टोलीले पक्राउ गरेको, सो सम्बन्धी थप अनुसन्धान भई रहेको ।