कैलाली:- मिति २०८१।१२।१६ गते १६:३० बजेको समयमा जिल्ला कैलाली, कैलारी गा.पा.५ मनिकापुर स्थित बेहडाबाबाबाट भारत तर्फ जादै गरेको नम्बर नभएको ट्याक्टर अनियन्त्रीत भई दुर्घटना हुँदा भारत जिल्ला लखिमपुर, खिरी सिंहा कालापोष्ट बस्ने बर्ष ११ को आयुष बर्मा गम्भिर घाईते भई उपचारको लागि समयमा सेती प्रादेशिक अस्पताल धनगढी लगिएकोमा उपचारको क्रममा मृत्यु भएको, साथै उक्त ट्याक्टरमा चालक सहित सवार ४३ जना यात्रु मध्ये १ जनाको मृत्यु भएको, २४ जना घाईतेहरुको बिभिन्न असपतालमा उपचार भईरहेको, ३ जना डिस्चार्ज भईसकेको, १४ जना सकुसल रहेको, ट्याक्टर इलाका प्रहरी कार्यालय हसुलिया, कैलालीको नियन्त्रणमा रहेको र ट्याक्टर चालक भारत जिल्ला लखिमपुर, खिरी सिंहा कालापोष्ट बस्ने बर्ष २५ को चौलान्द्र बर्मा फरार रहेको, खोजतलास भईरहेको ।