कैलाली- मिति २०७९।१२।०२ गते कैलाली जिल्लाका बिभिन्न स्थानहरुवाट लागुऔषध खैरोहेरोईन सहित ११ जना मानिसहरुलाई प्रहरीले पक्राउ गरेको हो । अस्थाई प्रहरी पोष्ट जुगेडावाट खटिगएको प्रहरी टोलीले नेपाल भारत सिमानाका स्थित जिल्ला कैलाली धनगढी उमनपा १२ ए गाउँ बस्ने बर्ष २६ को समेन्द्र बोगटी समेतका ६ जना मानिसहरुलाई शंका लागि चेकजाँच गर्दा निजहरुको साथवाट ३ ग्राम २८ मिलिग्राम लागुऔषध खैरोहेरोईन र  म २ प ९४५२ नम्बरको मो.सा. सहित निजहरुलाई प्रहरीले पक्राउ गरेको हो । 

यसैगरि बिहीबार प्रहरी चौकी कैलाली गाँउवाट खटिएको प्रहरी टोलीले जिल्ला कैलाली धनगढी उप-महानगरपालिका १३ वस्ने वर्ष २२ को सुनिल रानालाई शंका लागि चेक जाँच गर्दा निजको साथवाट १०० मिलिग्राम लागुऔषध खैरोहेरोईन र से ४ प ९९७९ नम्वरको मो.सा. सहित प्रहरीले पक्राउ गरेको हो । 

    यसैगरि बिहीबार अस्थाई प्रहरी पोस्ट बिशालनगरबाट खटिई गएको प्रहरी टोलीले जि.कैलाली धनगढी उमनपा-३ पुलिस बोडिङ्ग स्कुल पछाडी जिल्ला कैलाली धनगढी उपमहानगरपालीका ३ बस्ने बर्ष २३ को सन्दिप पौडेल समेत २ जनालाई शंका लागी चेकजाँच गर्ने क्रममा निजहरुको साथबाट ५०० मिलिग्राम लागुऔषध खैरो हिरोईन सहित निजहरुलाई प्रहरीले पक्राउ गरेको हो । 

यसैगरि  बिहीबार ईलाका प्रहरी कार्यालय चौमलाबाट खटिई गएको प्रहरी टोलीले जिल्ला कैलाली गौरिगंगा न.पा. १ गोप्का स्थित ऐ.ऐ. बस्ने बर्ष २९ को बिजय चौधरी समेत २ जनालाई शंका लागी चेकजाँच गर्दा निजहरुको साथबाट २८० मिलिग्राम लागुऔषध खैरोहेरोईन  सहित पक्राउ गरेको हो । यस सम्बन्धमा प्रहरीले थप अनुसन्धान गरिरहेको छ ।