कैलाली:- मिति २०८२।०१।१० गते १६:०० बजेको समयमा जिल्ला कैलाली धनगढी उप-महानगरपालिका १५ कनरीगाउँबाट ६० मिलिग्राम लागु औषध खैरो हेरोईन जस्तो देखिने धुलो पदार्थ सहित जिल्ला कैलाली धनगढी उप-महानगरपालिका ७ बेली बस्ने बर्ष २६ को तिर्थराज रानालाई प्रहरी चौकी कनरीबाट खटिएको प्रहरी टोलीले नियन्त्रणमा लिएको । सो सम्बन्धी थप अनुसन्धान भईरहेको ।

         यसैगरी मिति २०८२।०१।१० गते १९:४५ बजेको समयमा जिल्ला कैलाली टिकापुर न.पा.१ ब्लक नं. ९ स्थित सडकखण्डबाट सोही ठाउ बस्ने बर्ष ३२ को सुमित साउद र ब्लक नं. १२ बस्ने बर्ष २८ को शाहिल शाहलाई ३२० मिलिग्राम लागु औषध खैरो हेरोईन जस्तो देखिने धुलो पदार्थ सहित इलाका प्रहरी कार्यालय टिकापुर कैलालीबाट खटिएको प्रहरी टोलीले नियन्त्रणमा लिएको । सो सम्बन्धमा थप अनुसन्धान भईरहको ।

        कञ्चनपुर:- मिति २०८२।०१।१० गते १५:३५ बजेको समयमा इ.प्र.का.झलारी कञ्चनपुर र लागु औषध नियन्त्रण ब्युरो शाखा कार्यालय धनगढी कैलालीबाट खटिएको संयुक्त प्रहरी टोलीले जिल्ला कञ्चनपुर कृष्णपुर न.पा. वडा.न.२ बंक स्थित सोही ठाउ बस्ने बर्ष अ.५० को पदम बहादुर कार्किले संचालन गर्दै आएको मां डिलासैनि होटल एण्ड लजको कोठा भित्रबाट २.३१५ (दुइ किलो तिनसय पन्ध्र ग्राम) किलोग्राम लागु औषध चरेश जस्तो देखिने कालो पदार्थ फेला पारी उक्त पदार्थ सहित होटल संचालक पदम बहादुर कार्किलाई नियन्त्रणमा लिएको । सो सम्बन्धी थप अनुसन्धान भईरहेको ।