कञ्चनपुर:-  मिति २०८२।०१।३० गते १८:०० बजेको समयमा बिशेष सुचनाको आधारमा जिल्ला कञ्चनपुर, भिमदत्त न.पा.११ भुजेला स्थित ऐ.५ बस्ने बर्ष २७ को अनिल पहरीले चलाएको डि.एल. ४ एच.बि. २६१३ नम्बरको भारतिय मोटरसाइकललाई शंका लागि चेकजाँच गर्दा १ ग्राम लागूऔषध खैरो हेरोइन जस्तो देखिने धुलो पदार्थ फेला पारी उक्त पदार्थ, मोटरसाइकल र मोटरसाइकल पछाडी सवार सोही ठाउँ बस्ने बर्ष २२ को आकाश लुहार समेत दुवै जनालाई लागूऔषध नियन्त्रण व्युरो शाखा कार्यालय महेन्द्रनगर र इलाका प्रहरी कार्यालय गड्डाचौकी, कञ्चनपुरबाट संयुक्त रुपमा खटिएको प्रहरी टोलीले नियन्त्रणमा लिएको, थप अनुसन्धान भईरहेको  ।    

        यसैगरी,  मिति २०८२।०१।३० गते २१:०० बजेको समयमा जिल्ला कञ्चनपुर, भिमदत्त न.पा.११ गडडाचौकी होल्डिङ सेन्टर ७ नम्बर पिल्लर स्थित ऐ. ६ बस्ने बर्ष २४ को रबिन्द्र चन्दले चलाएको सु.प.प्र.०२-००३ प ३८९७ नम्बरको स्कुटरलाई शंका लागि चेकजाँच गर्दा ७ ग्राम ९९० मिलिग्राम लागूऔषध खैरो हेरोइन जस्तो देखिने धुलो पदार्थ फेला पारी उक्त पदार्थ, स्कुटर र स्कुटर पछाडी सवार सोही ठाउँ बस्ने बर्ष २२ को चेतन चन्द समेत दुवै जनालाई जिल्ला प्रहरी कार्यालय कञ्चनपुर, लागूऔषध नियन्त्रण व्युरो शाखा कार्यालय महेन्द्रनगर र इलाका प्रहरी कार्यालय गड्डाचौकी, कञ्चनपुरबाट संयुक्त रुपमा खटिएको प्रहरी टोलीले नियन्त्रणमा लिएको, थप अनुसन्धान भईरहेको  ।