कैलाली:- मिति २०८२।०२।१७ गते जिल्ला कैलाली, गोदावरी न.पा.-२ अत्तरिया बसपार्कबाट अबैंध रुपमा भारतबाट भन्सार छलि गरि ल्याएका काठमाण्डौ लैजादै गरेको अन्दाजी मूल्य रु.१७,००,०००।–– (सत्र लाख) बराबरको थान कपडा ९५-थान (९ बोरा) सहित जिल्ला बैतडी, पुर्चौडी न.पा.१ बस्ने बर्ष ३३ को नबिन कुवरलाई इलाका प्रहरी कार्यालय मालाखेती, कैलालीबाट खटिएको प्रहरी टोलीले फेला पारी उक्त सामान र निजलाई नियन्त्रण लिएको ।     

       यसैगरी,  मिति २०८२।०२।१७ गते कैलाली जिल्लाको बिभिन्न स्थानहरु धनगढी उ.म.न.पा.३ सिसा पोष्ट, गोदावरी न.पा.-५ पोष्ट नजिक, भजनी न.पा ७ हिम्मतपुर र कैलारी गा.पा.८ लोहरपुरबाट अबैंध रुपमा भारतबाट भन्सार छलि गरि ल्याएका अन्दाजी मूल्य रु. ९१,७४०।– बराबरको चिनी, मिश्री, डेरीक्रिम, पास्ता, प्लाष्टिक गुलाव फुल, पेय पदार्थ, बिडी, कुखुराको चल्ला लगायतका सामानहरु जिल्ला प्रहरी कार्यालय कैलाली तथा मातहत कार्यालयबाट खटिएको प्रहरी गस्ती टोलीले बेबारिसे अवस्थामा फेला पारी नियन्त्रणमा लिएको ।