फरार प्रतिबादी पक्राउ

२०८२-०३-२४

A
A^-
A⁺

कैलाली:- फैसला कार्यान्वयनको सिलसिलामा सम्मानित जिल्ला अदालत कैलालीको फैसलाले अन्य सरकारी वा सार्वजनिक लिखित किर्ते मुद्दामा ९ महिना कैद सजाय रु.१०,०००।-(दश हजार) जरिवाना तोकिएको जिल्ला कैलाली, धनगढी उ.म.न.पा.१६ बेहेडाबाबा बस्ने बर्ष २२ को सुन्दर चौधरी र सोही मुद्दामा रु.२५,०००।- जरिवाना तोकिएको सोही ठाउँ वस्ने बर्ष २९ को राम मिलन चौधरीलाई जिल्ला प्रहरी कार्यालय कैलालीबाट खटिएको प्रहरी टोलीले मिति २०८२।०३।२३ गते निजहरुकै घर ठेगानाबाट पक्राउ गरेको ।

सम्बन्धित समाचार

अबैध लागू औषध सहित मानिस नियन्त्रणमा

२०८२-०३-२७

कैलाली:- मिति २०८२।०३।२६ गते २०:४५ बजेको समयमा जिल्ला कैलाली, भजनी न.पा.५ लालबोझी स्थित भारतबाट नेपाल तर्फ आउदै गरेको से ३ प ९२६३ नम्बरको मोटरसाइकललाई शंका लागि चेकजाँच गर्दा चालक जिल्ला कैलाली, सोही न.पा.४ बस्ने बर्ष २५ को मनोज चौधरी र मोटरसाइकल पछाडी सवार बर्ष २१ को बिक्रम चौधरीको साथबाट ३ ग्राम ९६० मिलिग्राम र ग ६ प ८३७९ नम्वरको मोटरसाइकललाइ शंका लागि चेकजाँच गर्दा चालक जिल्ला कैलाली, घोडाघोडी न.पा.१२ बस्ने बर्ष २१ को बिशाल चौधरी र मोटरसाइकल पछाडी सवार बर्ष २८ को हनुमान चौधरीको साथबाट १ ग्राम ७१० मिलिग्राम गरी जम्मा ५ ग्राम ६७० मिलिग्राम लागू औषध खैरो हेरोइन जस्तो देखिने धुलो पदार्थ फेला पारी उक्त पदार्थ, दुवै मोटरसाईकल सहित निजहरु चारै जनालाई इलाका प्रहरी कार्यालय पृथ्वीपुर, कैलालीबाट खटिएको प्रहरी टोलीले नियन्त्रणमा लिएको, थप अनुसन्धान भईरहेको ।

अबैध भन्सार छलिका सामान नियन्त्रणमा

२०८२-०३-२७

कैलाली:- मिति २०८२।०३।२६ गते ११:३० बजेको समयमा जिल्ला कैलाली, गोदावरी न.पा.१ धनगढी रोड स्थित सब्जी मण्डीबाट अबैध रुपमा भारतबाट भन्सार छलि गरि ल्याएका अन्दाजी मूल्य रु.८०,०००।– बराबरको सुटपिस, साडी, कुर्ति, धोती, थान कपडा, लिचीको जुस बनाउन प्रयोग हुने लिक्विड, प्लाष्टिक झिल्ली लगायतका सामानहरु इलाका प्रहरी कार्यालय मालाखेती, कैलालीबाट खटिएको प्रहरी गस्ती टोलीले बेवारिसे अवस्थामा फेला पारी नियन्त्रणमा लिएको ।

अटोको ठक्करबाट पैदल यात्रीको मृत्यु

२०८२-०३-२६

कैलाली:- मिति २०८२।०३।२५ गते २०:०० बजेको समयमा जिल्ला कैलाली, लम्कीचुहा न.पा.६ स्याउले स्थित पुर्ब पश्चिम राजमार्गमा पश्चिमबाट पुर्ब तर्फ जादै गरेको म १ ह ८५८ नम्बरको अटोले सोही दिशा तर्फ जादै गरेकी पैदल यात्री सोही ठाउँ बस्ने बर्ष ५५ की लक्ष्मी ढुङगाना र बर्ष २२ की मिना ढुङगानालाई पछाडी बाट ठक्कर दिइ घाईते भई उपचारको लागि दुवै घाइतेलाई भल्का अस्पताल लम्की, कैलाली हुँदै मेडिकल कलेज कोहलपुर, वाँके लगिएकोमा उपचारको क्रममा ऐ.२२:२० बजे लक्ष्मी ढुङगानाको मृत्यु भएको, मिना ढुङगाको सोही अस्पतालमा उपचार भईरहेको, अटो र अटो चालक सोही ठाउँ बस्ने बर्ष २३ को हेमन्त जोशीलाई प्रहरीले नियन्त्रणमा लिई आवश्यक अनुसन्धान भईरहेको ।

अबैध भन्सार छलिका सामान नियन्त्रणमा

२०८२-०३-२६

कैलाली:- मिति २०८२।०३।२५ गते कैलाली जिल्लाको बिभिन्न स्थानहरु धनगढी उ.म.न.पा.३ शिसा पोष्ट नजिक र टिकापुर न.पा.७ बिष्णुकान्ति चोक नजिक भित्रि सडक खण्डबाट अबैंध रुपमा भारतबाट भन्सार छलि गरि ल्याएका अन्दाजी मूल्य रु.१,४५,७००।– बराबरको सुर्ती, कुर्ती, कट्टु, कुर्ता सुरवाल, प्लाष्टिक झिल्ली लगायतका सामानहरु जिल्ला प्रहरी कार्यालय कैलाली तथा मातहत कार्यालयहरुबाट खटिएको प्रहरी गस्ती टोलीले बेबारिसे अवस्थामा फेला पारी नियन्त्रणमा लिएको । कञ्चनपुर:- मिति २०८२।०३।२५ गते १७:०० बजेको समयमा जिल्ला कञ्चनपुर, बेलौरी न.पा.४ बेलौरीबाट अबैध रुपमा भारतबाट भन्सार छलि गरि ल्याएका अन्दाजी मूल्य रु.२२,९००।– बराबरको सुटपिस, पर्दा, तन्ना लगायतका सामानहरु इलाका प्रहरी कार्यालय बेलौरी, कञ्चनपुरबाट खटिएको प्रहरी गस्ती टोलीले बेवारिसे अवस्थामा फेला पारी नियन्त्रणमा लिएको ।

अबैध लागू औषध सहित मानिस नियन्त्रणमा

२०८२-०३-२६

कञ्चनपुर:- मिति २०८२।०३।२५ गते १९:१० बजेको समयमा जिल्ला कञ्चनपुर, बेलौरी न.पा. ७ पौलाह स्थित भारतबाट नेपाल तर्फ आउदै गरेको से २ प ८२३८ नम्बरको मोटरसाइकललाई शंका लागि चेकजाँच गर्दा चालक जिल्ला कञ्चनपुर, कृष्णपुर न.पा.९ पिपरिया बस्ने बर्ष २६ को कृष्ण राना, मोटरसाइकल पछाडी सवार ऐ. वस्ने बर्ष २७ को महेश राना र जिल्ला कैलाली, धनगढी उ.म.न.पा. ८ धनगढी गाउँ बस्ने १८ वर्षिय किशोरीको साथबाट १.९१ ग्राम लागू औषध खैरो हेरोइन जस्तो देखिने धुलो पदार्थ फेला पारी उक्त पदार्थ, मोटरसाईकल सहित निजहरु तिनै जनालाई इलाका प्रहरी कार्यालय बेलौरी, कञ्चनपुरबाट खटिएको प्रहरी टोलीले नियन्त्रणमा लिएको, थप अनुसन्धान भईरहेको ।

लागूऔषध सहित मानिस नियन्त्रणमा

२०८२-०३-२५

कैलाली:- मिति २०८२।०३।२४ गते १५:३० बजेको समयमा जिल्ला कैलाली, बर्दगोरिया गा.पा.४ मुडा बजार चोकबाट सोही गा.पा.१ बस्ने बर्ष ३४ को अरुण बादीलाई शंका लागि चेकजाँच गर्दा १६० मिलिग्राम लागूऔषध खैरो हेरोइन जस्तो देखिने धुलो पदार्थ फेला पारी उक्त पदार्थ सहित निजलाई इलाका प्रहरी कार्यालय सडकपुर बौनिया, कैलालीबाट खटिएको प्रहरी टोलीले नियन्त्रणमा लिएको, थप अनुसन्धान भईरहेको । कञ्चनपुर:- मिति २०८२।०३।२४ गते २१:३० बजेको समयमा जिल्ला कञ्चनपुर, बेलौरी न.पा.१ मटैयाबाट सोही न.पा.३ खिरिया बस्ने बर्ष २५ को तेज बहादुर कार्की र ऐ. भिमदत्त न.पा. ४ बजार बस्ने बर्ष २५ को रोहीत भट्टलाई शंका लागि चेकजाँच गर्दा BUPRONORPHINE ४६ एम्पुल, DIAZEPAM १७ एम्पुल, PROMETHAZINE ४६ एम्पुल र सिरेन्ज थान १ प्रतिवन्धित लागूऔषध फेला पारी उक्त लागूऔषध सहित निजहरु दुवै जनालाई प्रहरी चौकी फटैया, कञ्चनपुरबाट खटिएको प्रहरी टोलीले नियन्त्रणमा लिएको, थप अनुसन्धान भईरहेको । यसैगरी, मिति २०८२।०३।२४ गते २१:३० बजेको समयमा गोप्य सुचनाका आधारमा जिल्ला कञ्चनपुर, भिमदत्त न.पा.३ बस्ने ललित जोशीको घर कोठा खानतलासी गर्दा १.०६ ग्राम लागूऔषध खैरो हेरोइन जस्तो देखिने धुलो पदार्थ फेला पारी उक्त पदार्थ सहित निजलाई जिल्ला प्रहरी कार्यालय कञ्चनपुरबाट खटिएको प्रहरी टोलीले नियन्त्रणमा लिएको, थप अनुसन्धान भईरहेको ।