लागू औषध सहित मानिस नियन्त्रणमा
२०८२-०४-०८
- A
- A-
- A+
कैलाली:- मिति २०८२।०४।०७ गते १६:४५ बजेको समयमा जिल्ला कैलाली, धनगढी उ.म.न.पा.१० बनकट्टीबाट सोही ठाउँ बस्ने बर्ष २० को संजय रानालाई शंका लागि चेकजाँच गर्दा १ ग्राम ७८० मिलिग्राम लागूऔषध खैरो हेरोइन जस्तो देखिने धुलो पदार्थ फेला पारी उक्त पदार्थ सहित निजलाई जिल्ला प्रहरी कार्यालय कैलालीबाट खटिएको प्रहरी टोलीले नियन्त्रणमा लिएको, थप अनुसन्धान भईरहेको ।
कञ्चनपुर:- मिति २०८२।०४।०७ गते १९:३० बजेको समयमा जिल्ला कञ्चनपुर, पुनर्वास न.पा.११ डोकेबजार चेकप्वाईन्ट स्थित भारत बाट नेपाल तर्फ आउदै गरेको अवस्थामा जिल्ला कञ्चनपुर, पुनर्वास न.पा.११ भिमबस्ती बस्ने वर्ष २० को निशान्त ढकाल, जिल्ला कैलाली, धनगढी उ.प.म.न.पा.३ तिल्केताल बस्ने १८ बर्षिय किशोर र ऐ. १४ स्याउले बजार बस्ने १८ बर्षिय किशोरलाई शंका लागि चेकजाँच गर्दा निजहरुको साथबाट १ ग्राम ३९० मिलिग्राम लागूऔषध खैरो हेरोइन जस्तो देखिने धुलो पदार्थ फेला पारी उक्त पदार्थ सहित निजहरु तिनै जनालाई प्रहरी चौकी परासन, कञ्चनपुरबाट खटिएको प्रहरी टोलीले नियन्त्रणमा लिएको, थप अनुसन्धान भईरहेको ।
यसैगरी, मिति २०८२।०४।०७ गते २२:०० बजेको समयमा जिल्ला कञ्चनपुर, भिमदत्त न.पा.९ ब्रह्मदेब स्थित सोही ठाउँ बस्ने बर्ष २० को संजय लावडलाई शंका लागि चेकजाँच गर्दा १०० मिलिग्राम लागूऔषध खैरो हेरोइन जस्तो देखिने धुलो पदार्थ फेला पारी उक्त पदार्थ सहित निजलाई इलाका प्रहरी कार्यालय ब्रह्मदेव, कञ्चनपुरबाट खटिएको प्रहरी टोलीले नियन्त्रणमा लिएको, थप अनुसन्धान भईरहेको ।