कैलाली:- मिति २०८२।०६।१४ गते २३:५० बजेको समयमा जिल्ला कैलाली, धनगढी उ.म.न.पा.१३ धनगढी र गोदावरीको सिमाना स्थित जिल्ला कैलाली, धनगढी उ.म.न.पा.१ शिवनगर बस्ने बर्ष २४ को प्रान्जल बमले चलाएको सु.प.प्र.०१-०११ प ४४७३ नम्बरको स्कुटी आफै अनियन्त्रीत भई पल्टिदा चालक गम्भिर घाईते भई उपचारको लागि मायामेट्रो अस्पताल धनगढी लगिएकोमा चिकित्सकले चेकजाँच गर्दा मृत्यु घोषणा गरेको, स्कुटी पछाडी सवार सोही ठाउँ बस्ने बर्ष २६ को सरोज बम घाईते भई सोही अस्पतालमा उपचार भईरहेको छ ।   

      कञ्चनपुर:- मिति २०८२।०६।१४ गते १४:४५ बजेको समयमा जिल्ला कञ्चनपुर, बेदकोट न.पा.३ सिउडीबाग स्थित दैजि जोगबुढा सडक खण्डमा दैजिबाट जोगबुढा तर्फ जादै गरेको सु.प.प्र.००१ ज १६७३ नम्बरको बोलेरो जीप सडकबाट अन्दाजी २० मिटर तल खस्न गई दुर्घटना हुँदा जिल्ला कञ्चनपुर, कृष्णपुर न.पा.१ वाणि बस्ने तारा पालकी छोरी बर्ष २ की युबिका पाल गम्भिर घाईते भई उपचारको लागि महाकाली प्रादेशीक अस्पताल कञ्चनपुर लगिएकोमा उपचारको क्रममा ऐ. १६:३५  मृत्यु भएको, साथै जिपमा सवार चालक बाहेक ८ जना मध्ये १ जनाको मृत्यु, अन्य ७ जना घाईतेहरुको उपचार भईरहेको, जीप चालक जिल्ला डडेल्धुरा, पर्शुराम न.पा.११ पुन्तुरा बस्ने बर्ष ३४ को लक्ष्मण भट्ट फरार रहेकाले निजको खोजतलास भईरहेको ।    

      बैतडी:- मिति २०८२।०६।१४ गते १७:०० बजेको समयमा जिल्ला बैतडी, दशरथचन्द न.पा.१ गुरुखोला स्थित दशरथचन्द राजमार्गमा महेन्द्रनगर बाट गोठालापानी तर्फ जाँदै गरेको सु.प.प्र.०२-००१ ख १०१७ नम्बरको महाकाली यातायतको बसले सोही ठाउँ दाउनेबाग बस्ने पैदल यात्री बर्ष अन्दाजी ३०/३५ की  भागरथी लुहारलाई ठक्कर दिदा घटनास्थलमै मृत्यु भएको, बस चालक जिल्ला कञ्चनपुर, शुक्लाफाँटा न.पा. ४ बस्ने बर्ष ३८ को लोकेन्द्र बहादुर चन्दलाई प्रहरीले नियन्त्रणमा लिई आवश्यक अनुसन्धान गरिरहेको ।