कैलाली:- मिति २०८२।०७।२८ गते १६:३० बजेको समयमा गोप्य सुचनाको आधारमा जिल्ला कैलाली, भजनी न.पा.३ कुसमघाट स्थित सु.प.प्र.०१-००९ प ३५११ नम्बरको मोटरसाइकललाई शंका लागि चेकजाँच गर्दा मोटरसाइकल चालक ऐ.लम्किचुहा न.पा.१ थकालीपुर बस्ने बर्ष १९ को रिजन मगर र मोटरसाइकल पछाडी सवार सोही ठाउँ बस्ने बर्ष २२ को आकाश चौधरीको साथबाट ५ ग्राम ४२० मिलिग्राम लागूऔषध खैरो हेरोइन जस्तो देखिने धुलो पदार्थ फेला पारी उक्त पदार्थ, मोटरसाइकल सहित निजहरु दुवै जनालाई इलाका प्रहरी कार्यालय भजनी, कैलाली समेतबाट खटिएको प्रहरी टोलीले नियन्त्रणमा लिएको, थप अनुसन्धान भईरहेको । 

    यसैगरी, मिति २०८२।०७।२८ गते १८:१५ बजेको समयमा गोप्य सुचनाको अधारमा जिल्ला कैलाली, लम्कीचुहा न.पा.६ बागमारबाट  ऐ. पिपरकोटि बस्ने बर्ष २९ को कमल जैसि र बर्ष २६ को लक्ष्मण बोहरालाई शंका लागि चेकजाँच गर्दा निजहरुको साथबाट  १५० मिलिग्राम लागूऔषध खैरो हेरोइन जस्तो देखिने धुलो पदार्थ फेला पारी उक्त पदार्थ सहित निजहरु दुवै जनालाई इलाका प्रहरी कार्यालय लम्की, कैलालीबाट खटिएको प्रहरी टोलीले नियन्त्रणमा लिएको, थप अनुसन्धान भईरहेको  ।   

    यसैगरी,  मिति २०८२।०७।२८ गते २२:०० बजेको समयमा बिशेष सुचनाको आधारमा जिल्ला कैलाली, गोदावरी न.पा.५ गेटा स्थित से ६ प ७५९४ नम्बरको मोटरसाइकललाई शंका लागि चेकजाँच गर्दा मोटरसाइकल चालक ऐ. गोदावरी न.पा.५ गेटा बस्ने बर्ष २० को बिजय बिष्ट र मोटरसाइकल पछाडी सवार ऐ. १ बिजौरा बस्ने बर्ष २५ को राज चौधरीको साथबाट ५ ग्राम ७५० मिलिग्राम लागूऔषध खैरो हेरोइन जस्तो देखिने धुलो पदार्थ फेला पारी उक्त पदार्थ, मोटरसाइकल सहित निजहरु दुवै जनालाई लागूऔषध नियन्त्रण ब्युरो शाखा कार्यालय महेन्द्रनगर, नेपाल प्रदेश प्रहरी कार्यालय महेन्द्रनगर, कञ्चनपुर र प्रहरी चौकी गेटा, कैलालीबाट संयुक्त रुपमा  खटिएको प्रहरी टोलीले नियन्त्रणमा लिएको, थप अनुसन्धान भईरहेको ।