फरार प्रतिबादी पक्राउ

२०८२-०८-०२

A
A^-
A⁺

कैलाली:- फैसला कार्यान्वयनको सिलसिलामा सम्मानित जिल्ला अदालत कैलालीको फैसलाले लागूऔषध (खैरो हेरोइन) मुद्दामा २ महिना ५ दिन कैद सजाय र रु.२,०००।- जरिवाना तोकिएको जिल्ला कैलाली, गोदावरी न.पा.२ बसपार्क बस्ने बर्ष २६ को प्रमोद चौधरीलाई इलाका प्रहरी कार्यालय मालाखेती, कैलालीबाट खटिएको प्रहरी टोलीले मिति २०८२।०८।०१ गते निजकै घर ठेगानाबाट पक्राउ गरेको ।

सम्बन्धित समाचार

बेवारिसे अवस्थामा २ थान भरुवा बन्दुक फेला

२०८२-०८-०२

दार्चुला:- मिति २०८२।०८।०१ गते १६:३० बजेको समयमा जिल्ला दार्चुला, अपिहिमाल गा.पा.१ खायाकोट स्थित जंगलमा बेवारिसे अवस्थामा एक नाले भरुवा बन्दुक थान २ (दुई) लुकाई छिपाई राखेको छ भन्ने सूचनाको आधारमा प्रहरी चौकी खण्डेश्वरी, दार्चुलाबाट खटिएको प्रहरी टोलीले फेला पारी आवश्यक प्रक्रिया पुरा गरि नियन्त्रणमा लिएको, सो सम्बन्धमा अनुसन्धान भईरहेको ।

अबैध लागू औषध सहित मानिस नियन्त्रणमा

२०८२-०८-०२

कञ्चनपुर:- मिति २०८२।०८।०१ गते १७:३० बजेको समयमा बिशेष सुचनाको आधारमा जिल्ला कञ्चनपुर, बेदकोट न.पा.८ भासी स्थित सोही ठाउँ बस्ने बर्ष २५ को अकबर डगौरा र बर्ष २२ को अभिशेक डगौराको घरभित्र खानतलासी गर्दा लागूऔषध खैरो हेरोइन जस्तो देखिने धुलो पदार्थका पोकाहरु बनाई रहेको अवस्थामा १.४६ ग्राम फेला पारी उक्त पदार्थ सहित निजहरु दुवै जनालाई अस्थायी प्रहरी पोष्ट गईलनदि, कञ्चनपुरबाट खटिएको प्रहरी टोलीले नियन्त्रणमा लिएको, थप अनुसन्धान भईरहेको ।

अबैध भन्सार छलिका सामान नियन्त्रणमा

२०८२-०८-०२

कञ्चनपुर:- मिति २०८२।०८।०१ गते कञ्चनपुर जिल्लाको बिभिन्न स्थानहरु भिमदत्त न.पा.२ भासी,ऐ.५ शान्तिनिकेतन नजिक, ऐ.१० जिमुवा, सुकासाल र बेलडाँडी गा.पा.३ बैबाहा स्थित भित्रि सडक खण्डबाट अबैंध रुपमा भारतबाट भन्सार छलि गरि ल्याएका अन्दाजी मूल्य रु.६,७५,४७६।– बराबरको बिडी, दाल, धनियाँ, पानीपुरी, सुटपिस, साडी, बिभिन्न किसिमका भाडा बर्तन, कष्मेटिक, मोटरसाइकल थान-१ लगायतका सामानहरु जिल्ला प्रहरी कार्यालय कञ्चनपुर तथा मातहत कार्यालयबाट खटिएको प्रहरी गस्ती टोलीले बेबारिसे अवस्थामा फेला पारी नियन्त्रणमा लिएको ।

रुख काट्ने क्रममा उक्त रुख लाग्दा मानिसको मृत्यु

२०८२-०८-०२

बझाङ:- मिति २०८२।०८।०१ गते जिल्ला बझाङ, खप्तडछान्ना गा.पा.२ रनिगाउँ बस्ने बर्ष ५० को बने रावल घर देखी अन्दाजी २.५ कि.मि. पश्चिम टाढा निम भन्ने स्थानमा सल्लाको रुख काट्ने क्रममा उक्त रुख लाग्न गई निजको घटनास्थलमा नै मृत्यु भएको, सो सम्बन्धमा अनुसन्धान भईरहेको ।

अबैध भन्सार छलिका सामान नियन्त्रणमा

२०८२-०८-०१

कैलाली:- मिति २०८२।०७।३० गते जिल्ला कैलाली, धनगढी उ.म.न.पा.२ रामजानकी मन्दीर स्थित भित्री सडक खण्डबाट अबैंध रुपमा भारतबाट भन्सार छलि गरि ल्याएका अन्दाजी मूल्य रु.५८,६५०।–बराबरको स्विटर, सुटपिस, दोपट्टा, प्लाष्टिक झिल्ली लगायतका सामानहरु वडा प्रहरी कार्यालय धनगढी, कैलालीबाट खटिएको प्रहरी गस्ती टोलीले बेबारिसे अवस्थामा फेला पारी नियन्त्रणमा लिएको ।

अबैध लागू औषध सहित मानिस नियन्त्रणमा

२०८२-०७-३०

कैलाली:- मिति २०८२।०७।२९ गते १४:०० बजेको समयमा जिल्ला कैलाली, धनगढी उ.म.न.पा. ८ बुद्धचोकबाट ऐ. बर्दगोरीया गा.पा.२ बस्ने बर्ष १९ को सुबास चौधरी समेत ५ जनालाई लागूऔषध सेवन गरिरहेको अवस्थामा शंका लागि चेकजाँच गर्दा निजहरुको साथबाट ६० मिलिग्राम लागूऔषध खैरो हेरोइन जस्तो देखिने धुलो पदार्थ फेला पारी उक्त पदार्थ सहित निजहरुलाई जिल्ला प्रहरी कार्यालय कैलालीबाट खटिएको प्रहरी टोलीले नियन्त्रणमा लिएको, थप अनुसन्धान भईरहेको । कञ्चनपुर:- मिति २०८२।०७।२९ गते १५:०० बजेको समयमा गोप्य सुचनाको आधारमा जिल्ला कञ्चनपुर, दोधारा चाँदनी न.पा.९ माताटोलबाट सोही ठाउँ बस्ने बर्ष ३० को गणेश सुनारलाई शंका लागि चेकजाँच गर्दा निजको साथबाट ३.२२ ग्राम लागूऔषध खैरो हेरोइन जस्तो देखिने धुलो पदार्थ फेला पारी उक्त पदार्थ सहित निजलाई इलाका प्रहरी कार्यालय दोधारा चाँदनी, कञ्चनपुरबाट खटिएको प्रहरी टोलीले नियन्त्रणमा लिएको, थप अनुसन्धान भईरहेको ।