कञ्चनपुर:- फैसला कार्यान्वयनको सिलसिलामा सम्मानित जिल्ला अदालत कञ्चनपुरको बिभिन्न मितिको फैसलाले कैद सजाय तथा जरिवाना ठहर भई फरार रहेका निम्न प्रतिवादीहरुलाई मिति २०८२।०८।०९  गते जिल्ला प्रहरी कार्यालय कञ्चनपुर तथा मातहत कार्यालयबाट खटिएको प्रहरी टोलीले पक्राउ गरेको ।

१. चोरी मुद्दामा १ महिना १०दिन कैद सजाय तोकिएका जिल्ला कञ्चनपुर, दोधारा चाँदनी न.पा.२ सिर्जना टोल बस्ने बर्ष ३९ को गोर्खे दमाई  र बर्ष ३६ की जानकी दमाई  ।

२. बैंकिङ कसूर मुद्दामा १५ दिन कैद सजाय र ७,२५,०००।-  (सात लाख पच्चिस हजार) जरिवाना तोकिएको जिल्ला कञ्चनपुर, पुनर्वास न.पा.२ अमरैया बस्ने वर्ष ३६ को गोपाल राना ।

     कैलाली:- फैसला कार्यान्वयनको सिलसिलामा सम्मानित जिल्ला अदालत कैलालीको फैसलाले लागूऔषध मुद्दामा २ महिना कैद सजाय तोकिएको जिल्ला कैलाली, धनगढी उ.म.न.पा.७ मनेहरा बस्ने बर्ष २४ को शिव रानालाई  जिल्ला प्रहरी कार्यालय कैलालीबाट खटिएको प्रहरी टोलीले मिति २०८२।०८।०९ गते निजकै घर ठेगानाबाट पक्राउ गरेको  । 

     डडेल्धुरा:- फैसला कार्यान्वयनको सिलसिलामा सम्मानित जिल्ला अदालत डडेल्धुराको फैसलाले बिना इजाजत बन्यजन्तु सम्बन्धि मुद्दामा ६ दिन कैद सजाय र,रु.५,०००।- जरिवाना  तोकिएको जिल्ला डडेल्धुरा, अमरगढी न.पा.१ तडिपाटा बस्ने बर्ष ५० को डम्बर ऐरलाई  जिल्ला प्रहरी कार्यालय डडेल्धुराबाट खटिएको प्रहरी टोलीले मिति २०८२।०८।०९ गते पक्राउ गरेको  ।