लागुऔषध सहित मानिस पक्राउ
२०७९-१२-२९
- A
- A-
- A+
कैलाली- मिति २०७९।१२।२८ गते ईलाका प्रहरी कार्यालय भजनीवाट खटिएको प्रहरी टोलीले भजनी न.पा.३ कुसुम घाट स्थित चेकजांच गर्दा भारत बाट नेपाल तर्फ पैदल आईरहेका जि.कैलाली टिकापुर न.पा.१ बस्ने बर्ष ४० कि सन्ध्या शर्मा आचार्य र निजकै छोरा बर्ष २७ को किरण आचार्यको साथबाट ५ ग्राम १८० मिली ग्राम र ऐ.भजनी न.पा.१ बस्ने बर्ष १८ को दिनेस बि.क.को साथ बाट १ ग्राम ८५० मिली ग्राम ला.औ.खैरोहेरोईन फेला पारि निजहरुलाई प्रहरीले पक्राउ गरेको हो ।
सोही दिन ईलाका प्रहरी कार्यालय टिकापुरवाट खटिएको प्रहरी टोलीले भारतबाट नेपाल तर्फ आइरहेका जानकी गापा ७ बस्ने बर्ष ३२ को दिपक रोक्का मगरलाई शंका लागि चेकजाँच गर्ने क्रममा निजको साथबाट १ ग्राम ३० मिलिग्राम लागु औषध खैरोहेरोईन फेला पारी पक्राउ गरेको हो ।मंगलबार राती जिल्ला प्रहरी कार्यालय कैलालीवाट खटिएको प्रहरी टोलीले धनगढी उमनपा २ मिलनचोक स्थित जिल्ला बैतडी पाटन न.पा. ४ घर भई हाल जिल्ला कन्चनपुर शुक्लाफाट ४ बस्ने बर्ष २६ को गौतम भट्ट र ऐ. बस्ने बर्ष २३ को यज्ञराज भट्टको साथबाट स्पास नामक १० ट्याब्लेट ला.औ. फेला पारी दुबै जनालाई पक्राउ गरेको हो । यस सम्बन्धमा प्रहरीले थप अनुसन्धान गरिरहेको ।