प्रहरी कन्ट्रोल : १००, टोल फ्री नं.: १६६००१४१५१६
नेपा
EN

स्कुल बसको ठक्करबाट १३ बर्षिय वालकको मृत्यू

२०८२-०८-१४

  • A
  • A-
  • A+
Share

      कैलाली:- मिति २०८२।०८।१३ गते १६:५० बजेको समयमा जिल्ला कैलाली, गोदावरी न.पा.५ गेटा स्थित भित्रि सडक खण्डमा गेटाबाट बरबट्टा तर्फ जाँदै गरेको चालक जिल्ला कञ्चनपुर, कृष्णपुर न.पा.४ बस्ने बर्ष ४४ को पतिराम डगौराले चलाएको से १ क ११८२ नम्बरको (श्री बिद्याभुषण पब्लिक स्कुलको) बसले सोहि दिशा तर्फ जाँदै गरेको साइकल यात्री जिल्ला कैलाली, गोदावरी न.पा.५ बस्ने बर्ष १३ को अनुप महरालाई ठक्कर दिँदा गम्भिर घाईते भई उपचारको लागि मायामेट्रो अस्पताल धनगढी लगिएकोमा ऐ.१७:०५ बजेको समयमा उपचारको क्रममा मृत्यु भएको, बस र बस चालक प्रहरीको नियन्त्रणमा रहेकोसो सम्बन्धमा अनुसन्धान भईरहेको             

सम्बन्धित समाचार
फरार प्रतिबादी पक्राउ
२०८२-०८-१४

    कैलाली:- फैसला कार्यान्वयनको सिलसिलामा सम्मानित जिल्ला अदालत कैलालीको फैसलाले सवारी ज्यान मुद्दामा ३ बर्ष कैद सजाय र रु.३०,०००।- जरिवाना तोकिएको जिल्ला बैतडी, डिलासैनी गा.पा.६ गोकेलेश्वर बस्ने बर्ष ३७ को सुरेन्द्र सिंह माललाई जिल्ला प्रहरी कार्यालय कैलालीबाट खटिएको प्रहरी टोलीले मिति २०८२।०८।१३  गते जिल्ला कैलाली, धनगढी उ.म.न.पा.३ सहिद गेटबाट पक्राउ गरेको ।        बैतडी:- फैसला कार्यान्वयनको सिलसिलामा सम्मानित जिल्ला अदालत बैतडीको फैसलाले हाँडनाता करणी मुद्दामा १ बर्ष कैद सजाय तोकिएकी जिल्ला बैतडी, सिगास गा.पा.९ बजाड बस्ने बर्ष २६ की राजमती धामीलाई प्रहरी चौकी गाँजरी, बैतडीबाट खटिएको प्रहरी टोलीले मिति २०८२।०८।१३  गते निजकै घर ठेगानाबाट पक्राउ गरेको ।       

अबैध लागू औषध सहित मानिस नियन्त्रणमा
२०८२-०८-१२

     कैलाली:- मिति २०८२।०८।११ गते १९:३० बजेको समयमा बिशेष सुचनाको आधारमा जिल्ला कैलाली, गोदावरी न.पा.२ अत्तरिया बजार स्थित शंकास्पद रुपमा हिडिरहेको अवस्थामा जिल्ला बझाङ, जयपृथ्बी न.पा.१० बस्ने बर्ष २२ को बिशाल सिंह र ऐ. बस्ने बर्ष २० घर्मेन्द्र सुनारलाई चेकजाँच गर्दा निजहरुको साथबाट ७ ग्राम ६८० मिलिग्राम लागूऔषध खैरो हेरोइन जस्तो देखिने धुलो पदार्थ फेला पारी उक्त पदार्थ सहित निजहरु दुवै जनालाई इलाका प्रहरी कार्यालय मालाखेती, कैलालीबाट खटिएको प्रहरी टोलीले नियन्त्रणमा लिएको, थप अनुसन्धान भईरहेको  ।        यसैगरी,  मिति २०८२।०८।११ गते १९:४० बजेको समयमा जिल्ला कैलाली, धनगढी उ.म.न.पा.११ बेलाबाट सोही ठाउँ बस्ने बर्ष २८ को अर्जुन चौधरी र ऐ. बस्ने बर्ष ३२ को आशाराम चौधरीलाई शंका लागि चेकजाँच गर्दा निजहरुको साथबाट ८ ग्राम ५८० मिलिग्राम लागूऔषध खैरो हेरोइन जस्तो देखिने धुलो पदार्थ फेला पारी उक्त पदार्थ सहित निजहरु दुवै जनालाई वडा प्रहरी कार्यालय धनगढी, लागूऔषध नियन्त्रण ब्युरो शाखा कार्यालय धनगढी र अस्थायी प्रहरी पोष्ट अम्बिकाटोल, कैलालीबाट संयुक्त रुपमा खटिएको प्रहरी टोलीले नियन्त्रणमा लिएको, थप अनुसन्धान भईरहेको  ।