अबैध भन्सार छलिका सामान नियन्त्रणमा

२०८२-०८-१९

A
A^-
A⁺

कञ्चनपुर:- मिति २०८२।०८।१८ गते कञ्चनपुर जिल्लाको बिभिन्न स्थानहरु बेलौरी न.पा.२ बैजुडाडा र ऐ.६ भुराकोटबाट अबैंध रुपमा भारतबाट भन्सार छलि गरि ल्याएका अन्दाजी मूल्य रु.४०,५५०।– बराबरको चिनी, नमकिन, बिस्कुट, प्लाष्टिक झिल्ली, माछा लगायतका सामानहरु जिल्ला प्रहरी कार्यालय कञ्चनपुर मातहत कार्यालयबाट खटिएको प्रहरी गस्ती टोलीले बेबारिसे अवस्थामा फेला पारी नियन्त्रणमा लिएको ।

सम्बन्धित समाचार

अबैध लागूऔषध सहित मानिस नियन्त्रणमा

२०८२-०८-१९

कैलाली:- मिति २०८२।०८।१८ गते १९:०० बजेको समयमा लागूऔषध बेचबिखन भईरहेको छ भन्ने बिशेष सुचनाको आधारमा जिल्ला कैलाली, गौरीगंगा न.पा.८ बढैपुर बजारबाट ऐ. गिधनिया बस्ने बर्ष २९ को मनोज बस्नेतलाई चेकजाँच गर्दा निजको साथबाट १२ ग्राम ७५ मिलिग्राम लागूऔषध खैरो हेरोइन जस्तो देखिने धुलो पदार्थ, निजले प्रयोग गरेको स्कुटी थान-१, लागूऔषध तौल गर्ने तराजु थान-१, निजले प्रयोग गरेको मोबाइल थान-३ र नगद रु.५,९५५।– समेत फेला पारी उक्त पदार्थ, नगद र समानहरु सहित निजलाई लागूऔषध नियन्त्रण ब्युरो शाखा कार्यालय धनगढी र इलाका प्रहरी कार्यालय मसुरिया, कैलालीबाट संयुक्त रुपमा खटिएको प्रहरी टोलीले नियन्त्रणमा लिएको, थप अनुसन्धान भईरहेको ।

फरार प्रतिवादी पक्राउ

२०८२-०८-१८

कैलाली:- फैसला कार्यान्वयनको सिलसिलामा सम्मानित जिल्ला अदालत कैलालीको फैसलाले चेक अनादर मुद्दामा १ महिना कैद सजाय र रु.१,०००।- जरीवाना तोकिएकी जिल्ला कैलाली, धनगढी उप-महानगरपालिका २ बस्ने बर्ष २२ की सिता कुमारी शाहीलाई जिल्ला प्रहरी कार्यालय कैलालीबाट खटिएको प्रहरी टोलीले मिति २०८२।०८।१७ गते निजकै घर ठेगानाबाट पक्राउ गरेको ।

अबैध भन्सार छलिका सामान नियन्त्रणमा

२०८२-०८-१८

कञ्चनपुर:- मिति २०८२।०८।१७ गते कञ्चनपुर जिल्लाको बिभिन्न स्थानहरु भिमदत्त न.पा.४ बसपार्क,२ नम्वर गल्ली र ऐ.१० सुकासालबाट अबैंध रुपमा भारतबाट भन्सार छलि गरि ल्याएका अन्दाजी मूल्य रु.५,६८,३५४।– बराबरको आईफोन कभर, बेलुन, झालर, हल्दि सेट, पाउडर, गिफ्ट पेपर, कलर गन, अन्न परासन, जुत्ता, किराना लगायतका सामानहरु जिल्ला प्रहरी कार्यालय कञ्चनपुर तथा मातहत कार्यालयबाट खटिएको प्रहरी गस्ती टोलीले बेबारिसे अवस्थामा फेला पारी नियन्त्रणमा लिएको । कैलाली:- मिति २०८२।०८।१७ गते १८:०० बजेको समयमा जिल्ला कैलाली, भजनी न.पा.५ जसबहादुर घाटबाट अबैंध रुपमा भारतबाट भन्सार छलि गरि ल्याएका अन्दाजी मूल्य रु.३५,०००।–बराबरको बिडी इलाका प्रहरी कार्यालय भजनी, कैलालीबाट खटिएको प्रहरी गस्ती टोलीले बेबारिसे अवस्थामा फेला पारी नियन्त्रणमा लिएको ।

अबैध लागूऔषध (चरेश) सहित मानिस नियन्त्रणमा

२०८२-०८-१८

दार्चुला:- मिति २०८२।०८।१७ गते २०:४५ बजेको समयमा बिशेष सुचनाको आधारमा इलाका प्रहरी कार्यालय गोकुलेश्वर, दार्चुलाबाट खटिएको प्रहरी टोलीले जिल्ला दार्चुला, शैल्यशिखर न.पा.२ गोकुलेश्वर धुलिगडा सडक खण्ड देथला स्थित पैदल गोकुलेश्वर तर्फ आईरहेको अवस्थामा ऐ. नौगाड गा.पा.६ रैचु बस्ने बर्ष ४७ को मान सिंह धामीलाई चेकजाँच गर्दा निजको साथबाट १ के.जि. ९७५ ग्राम लागूऔषध चरेश जस्तो देखिने कालो पदार्थ र १ थान डिजिटल तराजु समेत फेला पारि उक्त पदार्थ, तराजु सहित निजलाई नियन्त्रणमा लिएको, थप अनुसन्धान भईरहेको ।

आगलागीबाट बिभिन्न धनमाल जलेर नष्ट

२०८२-०८-१८

कञ्चनपुर:- मिति २०८२।०८।१७ गते २२:४५ बजेको समयमा जिल्ला कञ्चनपुर, कृष्णपुर न.पा.९ राजघाट स्थित आसि देबि चौधरीले सञ्चालन गरेको आसि देबि चौधरी कुखुरा पोल्टि फर्ममा बिद्युतको तार सट भई आगलागी हुँदा फर्म र फर्म भित्र रहेका ३०० वटा कुखुराका चल्ला, ग्याँस सिलिण्डर लगायतका सामानहरु गरी अन्दाजी मुल्य रु.३,००,०००।– (तिन लाख) बराबरको धनमाल जलेर नष्ट भएको, मानविय तथा चौपाय क्षेती नभएको, स्थानिय र प्रहरीको सहयोगमा आगलागी नियन्त्रणमा आएको ।

आगलागीबाट बिभिन्न धनमाल जलेर नष्ट

२०८२-०८-१७

बाजुरा:- मिति २०८२।०८।१६ गते १२:३५ बजेको समयमा जिल्ला बाजुरा, बडिमालिका न.पा.८ मार्तडी बजार स्थित प्रकाश थापाले सञ्चालन गरेको टिनले बनेको सागर ग्यारेज तथा गोदाममा विद्युतको लाईन सट भई आगलागी हुँदा गोदाम र ग्यारेज भित्र रहेका सम्पुर्ण सामानहरु गरी अन्दाजी मुल्य रु.२,००,००,०००।– ( दुई करोड) बराबरको बराबरको धनमाल जलेर नष्ट भएको, मानविय क्षती नभएको, स्थानिय, नेपाल प्रहरी, नेपाली सेना र सशस्त्र प्रहरीको सहयोगमा आगलागी नियन्त्रणमा आएको ।