फरार प्रतिवादी पक्राउ

२०८२-०८-२१

A
A^-
A⁺

कैलाली:- फैसला कार्यान्वयनको सिलसिलामा सम्मानित जिल्ला अदालत कैलालीको फैसलाले चोरी मुद्दामा १ महिना ७ दिन कैद सजाय तोकिएको जिल्ला कैलाली, धनगढी उ.म.न.पा.२ बस्ने बर्ष २७ को करन रतौकीलाई प्रहरी चौकी त्रिनगर, कैलालीबाट खटिएको प्रहरी टोलीले मिति २०८२।०८।२० गते निजकै घर ठेगानाबाट पक्राउ गरेको ।

सम्बन्धित समाचार

अबैध भन्सार छलिका सामान नियन्त्रणमा

२०८२-०८-२१

कञ्चनपुर:- मिति २०८२।०८।२० गते कञ्चनपुर जिल्लाको बिभिन्न स्थानहरु पुनर्वास न.पा.११ काठेपुल, बेलौरी न.पा.६ भुराकोट, दोधारा चाँदनी न.पा.४ लठ्ठाघाट र ऐ. ६ आमबँगैचाबाट अबैंध रुपमा भारतबाट भन्सार छलि गरि ल्याएका अन्दाजी मूल्य रु.२,१२,८८०।– बराबरको सख्खर, आलु, बिभिन्न किसिमका फलफुल, मलखाद, कैची, प्रिन्टर, कार्टिज, Medigilide Hypodermic needle लगायतका सामानहरु जिल्ला प्रहरी कार्यालय कञ्चनपुर मातहत कार्यालयबाट खटिएको प्रहरी गस्ती टोलीले वेबारिसे अवस्थामा फेला पारी नियन्त्रणमा लिएको ।

रुखबाट लडेर मृत्यु

२०८२-०८-२१

कैलाली:- मिति २०८२।०८।२० गते १६:३० बजेको समयमा जिल्ला कैलाली, चुरे गा.पा.६ ढुङगेनी बस्ने बर्ष ४८ को बल बहादुर साउद घर नजिकै जंगलमा रुखमा चढी स्याउला काटने क्रममा रुखबाट लडी गम्भिर घाइते भई जंगलबाट घर ल्याउने क्रममा बाटोमै मृत्यू भएको ।

आगलागीबाट बसमा क्षति

२०८२-०८-२१

कञ्चनपुर:- मिति २०८२।०८।२० गते २३:४० बजेको समयमा जिल्ला कञ्चनपुर, बेदकोट न.पा.२ जडेपानी बस्ने बर्ष ३१ को केशब नाथको ऐ.स्थित बैजनाथ माध्यमिक बिद्यालय जडेपानी नजिक सडक छेउमा पार्किङ गरी राखेको पवन दुत यातायातको बा ३ ख ९८३७ नम्बरको बसमा अचानक आगलागी हुँदा बस पूर्ण रूपमा जलेर क्षति भएको ।

अबैध लागूऔषध सहित मानिस नियन्त्रणमा

२०८२-०८-२०

कैलाली:- मिति २०८२।०८।१९ गते ११:३० बजेको समयमा इलाका प्रहरी कार्यालय लम्की, कैलालीबाट खटिएको प्रहरी टोलीले जिल्ला बाजुरा, स्वामिकार्तिक गा.पा.२ घर भइ हाल जिल्ला कैलाली, लम्कीचुहा न.पा.१ थपालीपुर बस्ने बर्ष ५७ को शंकर हमाललाई ऐ.स्थित भित्री सडकखण्डमा पैदल हिडिरहेको अवस्थामा शंका लागी चेकजाँच गर्दा निजको साथबाट १८ ग्राम ६ मिलिग्राम लागूऔषध चरेश जस्तो देखिने कालो पदार्थ सहित फेला पारि नियन्त्रणमा लिएको, थप अनुसन्धान भईरहेको । यसैगरी, मिति २०८२।०८।१९ गते १२:१५ बजेको समयमा जिल्ला कैलाली, गौरीगंगा न.पा.१० शान्तिपुर टोल जाने बाटोको कल्भर्टबाट ऐ. ८ बस्ने १८ बर्षिय किशोरलाई शंका लागि चेकजाँच गर्दा निजको साथबाट ५६० मिलिग्राम लागूऔषध खैरो हेरोइन जस्तो देखिने धुलो पदार्थ फेला पारी उक्त पदार्थ सहित निजलाई इलाका प्रहरी कार्यालय मसुरिया, कैलालीबाट खटिएको प्रहरी टोलीले नियन्त्रणमा लिएको, थप अनुसन्धान भईरहेको । कैलाली:- मिति २०८२।०८।१९ गते २०:०० बजेको समयमा बिशेष सुचनाको आधारमा इलाका प्रहरी कार्यालय मालाखेती, कैलाली र लागूऔषध नियन्त्रण ब्युरो शाखा कार्यालय महेन्द्रनगर, कञ्चनपुरबाट संयुक्त रुपमा खटिएको प्रहरी टोलीले जिल्ला कैलाली, गोदावरी न.पा.२ स्थित पहाड रोडमा रहेको स्वस्तिक होटलको कोठा भित्र लुकिछिपि बसिरहेको अवस्थामा निजहरुको शरिर तथा कोठाको खानतलासी गर्दा जिल्ला बझाङ, छब्बिस पाथिभेरा गा.पा.७ बस्ने बर्ष २८ को बम बहादुर धामी, ऐ. बस्ने बर्ष ४२ को जनक जाग्री, ऐ. सुर्मा गा.पा.३ बस्ने बर्ष २५ को अमृत बोहरा र जिल्ला दार्चुला, महाकाली न.पा.२ बस्ने बर्ष ५० को रुपसिंह सितोलीको साथबाट ७ के.जी. ५०० ग्राम लागू औषध चरेश जस्तो देखिने कालो पदार्थ र तौल गर्ने काँटा थान -१ सहित फेला पारि उक्त पदार्थ, काँटा सहित निजहरु चारै जनालाई नियन्त्रणमा लिएको, थप अनुसन्धान भईरहेको ।

फरार प्रतिबादी पक्राउ

२०८२-०८-२०

कैलाली:- फैसला कार्यान्वयनको सिलसिलामा सम्मानित जिल्ला अदालत कैलालीको बिभिन्न मितिको फैसलाले डाँका चोरी मुद्दामा १ महिना कैद सजाय र रु. १३,०००।– जरिवाना, डाँका चोरी मुद्दामा ३ महिना कैद सजाय र रु.१५,०००।– जरिवाना, डाँका चोरी मुद्दामा ६ महिना कैद सजाय र रु.५४००।– जरिवाना र डाँका चोरी मुद्दामा १ बर्ष कैद सजाय र रु.२०,०००।– जरिवाना तोकिएको जिल्ला कैलाली, भजनी न.पा.८ बस्ने बर्ष ३८ को रामलाल चौधरीलाई इलाका प्रहरी कार्यालय भजनी, कैलालीबाट खटिएको प्रहरी टोलीले मिति २०८२।०८।१९ गते निजकै घर ठेगानाबाट पक्राउ गरेको । कञ्चनपुर:- फैसला कार्यान्वयनको सिलसिलामा सम्मानित जिल्ला अदालत कञ्चनपुरको मिति २०८१।०३।३० गतेको फैसलाले लागूऔषध खैरो हेरोईन मुद्दामा ५ बर्ष कैद सजाय तोकिएको जिल्ला कञ्चनपुर, कञ्चनपुर कृष्णपुर न.पा.९ चम्तमा बस्ने बर्ष ३२ को हरी चौधरीलाई जिल्ला प्रहरी कार्यालय कञ्चनपुरबाट खटिएको प्रहरी टोलीले मिति २०८२।०८।१९ गते निजकै घर ठेगानाबाट पक्राउ गरेको ।

अबैध भन्सार छलिका सामान नियन्त्रणमा

२०८२-०८-१९

कञ्चनपुर:- मिति २०८२।०८।१८ गते कञ्चनपुर जिल्लाको बिभिन्न स्थानहरु बेलौरी न.पा.२ बैजुडाडा र ऐ.६ भुराकोटबाट अबैंध रुपमा भारतबाट भन्सार छलि गरि ल्याएका अन्दाजी मूल्य रु.४०,५५०।– बराबरको चिनी, नमकिन, बिस्कुट, प्लाष्टिक झिल्ली, माछा लगायतका सामानहरु जिल्ला प्रहरी कार्यालय कञ्चनपुर मातहत कार्यालयबाट खटिएको प्रहरी गस्ती टोलीले बेबारिसे अवस्थामा फेला पारी नियन्त्रणमा लिएको ।