फरार प्रतिबादी पक्राउ

२०८२-०९-०९

A
A^-
A⁺

कैलाली :- फैसला कार्यान्वयनको सिलसिलामा सम्मानित जिल्ला अदालत कैलालीको फैसलाले विभिन्न मुद्दामा कैद सजाय र जरिवाना तोकिएका १३ जना फरार प्रतिवादीहरुलाई निजहरुको घर ठेगानाबाट जिल्ला प्रहरी कार्यालय कैलाली तथा मातहत कार्यालयबाट खटिएको प्रहरी टोलीले मिति २०८२।०९।०८ गते पक्राउ गरी सम्मानित कैलाली जिल्ला अदालतमा उपस्थित गराईएको ।

कञ्चनपुर :- फैसला कार्यान्वयनको सिलसिलामा सम्मानित जिल्ला अदालत कञ्चनपुरको फैसलाले विभिन्न मुद्दामा कैद सजाय र जरिवाना तोकिएका ४ जना फरार प्रतिवादीहरुलाई विभिन्न स्थानबाट जिल्ला प्रहरी कार्यालय कञ्चनपुरबाट खटिएको प्रहरी टोलीले मिति २०८२।०९।०८ गते पक्राउ गरेको ।

सम्बन्धित समाचार

करेन्ट लागेर मानिस मृत्यू

२०८२-०९-०९

डोटी :- मिति २०८२।०९।०८ गते १४:०० बजेको समयमा जिल्ला डोटी जोरायल गा.पा. वडा नं. ६ गापर बस्ने वर्ष २८ को खेम साउँद आफ्नै कोठामा बिजुलीको तार सर्ट भई छातीमा करेन्ट लागी गम्भिर घाईते भई उपचारको लागि सेती प्रादेशिक अस्पताल धनगढी कैलालीमा लगिएकोमा उपचारको क्रममा निजको मृत्यु भएको , सो सम्बन्धमा अनुसन्धान भइरहेको ।

अबैध लागूऔषध सहित मानिस नियन्त्रणमा

२०८२-०९-०९

कैलाली- जिल्ला कैलाली धनगढी उ.म.न.पा.१० बस्ने बस्ने राम मिलन रानाको घरमा ला.औ. बिक्रि वितरण भईरहेको छ भन्ने सुचनाको आधारमा घर तलासी गर्दा निजको श्रीमती वर्ष २० कि द्रोपती रानाको साथबाट २ ग्राम १४० मिलिग्राम र निजको भाई वर्ष १७ को महेश रानाको साथबाट लाई १४० मिलिग्राम अवैध लागुऔषध ब्राउन सुगर जस्तो देखिने पदार्थ सहित मिति २०८२।०९।०८ गते मंगलबार प्रहरीले पक्राउ गरेको छ । वडा प्रहरी कार्यालय धनगढी र लागु औषध व्यूरो कार्यालय धनगढीबाट खटिएको प्रहरी टोलीले दुवै जनालाई नियन्त्रणमा लिई थप अनुसन्धान भईरहेको । यसैगरी, मिति २०८२।०९।०८ गते १७:०० बजेको समयमा जिल्ला कैलाली टिकापुर न.पा. ९ खक्रोला चेकपोष्ट स्थित जिल्ला बर्दिया राजापुर न.पा. ४ घुम्ना बस्ने बर्ष २१ को राजेश थारु र ऐ.ऐ. संघर्षनगर बस्ने बर्ष २३ को ईन्द्र बहादुर थारु संगै हिडिरहेको अवस्थामा शंका लागि चेकजाँच गर्दा निजको साथबाट २ ग्राम ९०० मिलिग्राम लागूऔषध खैरो हिरोईन जस्तो देखिने धुलो पदार्थ फेला पारी उक्त पदार्थ सहित निजहरुलाई प्रहरी चौकी कालाकुण्डा, कैलालीबाट खटिएको प्रहरी टोलीले नियन्त्रणमा लिएको, थप अनुसन्धान भईरहेको । यसैगरी, मिति २०८२।०९।०८ गते १९:०० बजेको समयमा जिल्ला कैलाली टिकापुर न.पा. ९ खक्रोला चेकपोष्ट स्थित जिल्ला कैलाली लम्किचुहा न.पा.४ कौवापुर बस्ने बर्ष २६ को सुनिल मल्लले चलाएको सु.प.प्र.०१-०१० प ८१३५ नं को मो.सा. लाई शंका लागि चेकजाँच गर्दा मो.सा. को सिट भित्र २ ग्राम ९८० मिलिग्राम लागूऔषध खैरो हिरोईन जस्तो देखिने धुलो पदार्थ फेला पारी उक्त पदार्थ, मो.सा. र मानिस सहित इलाका प्रहरी कार्यालय टिकापुर कैलालीबाट खटिएको प्रहरी टोलीले नियन्त्रणमा लिएको, थप अनुसन्धान भईरहेको ।

अबैध भन्सार छलिका सामान नियन्त्रणमा

२०८२-०९-०९

कैलाली- मिति २०८२।०९।०८ गते जिल्ला कैलालीको विभिन्न स्थानबाट भन्सार चोरी पैठारी गरी नेपाल भित्र्याएका अ. ५,८०,०००।– ( पाँच लाख असी हजार ) बराबरका ७ वटा मो.सा.हरु जिल्ला प्रहरी कार्यालय कैलाली र इलाका प्रहरी कार्यालय टिकापुर कैलालीबाट खटिएको प्रहरी टोलीले बेबारिसे अवस्थामा फेला पारी नियन्त्रणमा लिई आवश्यक कारवाहीको लागी भन्सार कार्यालय पठाईएको । कञ्चनपुर - मिति २०८२।०९।०८ गते अं १३:०० बजेको समयमा जिल्ला कञ्चनपुर भि.न.पा.१८ निम्बुखेडा स्थित अबैंध रुपमा भारतबाट भन्सार छलि गरि ल्याएका अन्दाजी मूल्य रु. ३३,२५०।- बराबरको इलेक्ट्रोनिक समान र कपडा अस्थायी प्रहरी पोष्ट मझगाँउ, कञ्चनपुरबाट खटिएको प्रहरी टोलीले बेबारिसे अवस्थामा फेला पारी नियन्त्रणमा लिएको ।

करेन्ट लागेर मानिस मृत्यु

२०८२-०९-०८

कैलाली:- मिति २०८२।०९।०७ गते १५:०० बजेको समयमा जिल्ला कैलाली जानकी गाउँपालिका २ प्रगतीनगर स्थित रोरा नदीमा ऐ.ऐ.बस्ने बर्ष २९ को श्यामलाल चौधरी करेन्ट लगाई माछा मार्ने क्रममा करेण्ट लागी गम्भिर घाइते भई उपचारको लागी टिकापुर अस्पताल टीकापुर लगिएकोमा उपचारको क्रममा निजको मृत्यु भएको , सो सम्बन्धमा अनुसन्धान भइरहेको ।

अबैध लागूऔषध सहित मानिस नियन्त्रणमा

२०८२-०९-०८

कञ्चनपुर :- मिति २०८२।०९।०७ गते १९:३० बजेको समयमा जिल्ला कञ्चनपुर कृष्णपुर न.पा. ४ त्रिविणी चोक बस्ने वर्ष ३५ की लक्ष्मी देवी दौल्यालको इट्टाले बनेको जस्ता पाताले छाएको एक तले घरमा संचालन गरेको खुद्रा पसलमा शंका लागि चेकजाँच गर्दा निजको पसलमा लुकाई छिपाईराखेको अबस्थामा २.३ ( दुई किलो ३ सय ग्राम ) लागूऔषध चरेश जस्तो देखिने पदार्थ फेला पारी उक्त पदार्थ सहित निज लक्ष्मी देवी दौत्याललाई लागु औषध नियन्त्रण ब्युरो शाखा कार्यालय महेन्द्रनगर र इलाका प्रहरी कार्यालय गुलरिया, कञ्चपुरमाबाट खटिएको सयूक्त प्रहरी टोलीले नियन्त्रणमा लिएको, थप अनुसन्धान भईरहेको । यसैगरि :- मिति २०८२।०९।०७ गते १८:०० बजेको समयमा जिल्ला कञ्चनपुर भिमदत्त न.पा. १८ सदाबहार टोल स्थित ऐ.ऐ. बस्ने मोहित भट्टको कोठामा ऐ.ऐ. बस्ने अभिसेक अवस्थीलाई शंका लागि चेकजाँच गर्दा निजको साथबाट १ ग्राम ४१ मिलिग्राम लागूऔषध खैरो हिरोईन जस्तो देखिने धुलो पदार्थ फेला पारी उक्त पदार्थ सहित दुबै जनालाई ला.औ. नियन्त्रण व्युरो शाखा महेन्द्रनगर र अस्थायी प्रहरी बिट सलाघारी,कञ्चनपुरबाटबाट खटिएको प्रहरी टोलीले नियन्त्रणमा लिएको, थप अनुसन्धान भईरहेको ।

फरार प्रतिबादी पक्राउ

२०८२-०९-०८

कैलाली :- फैसला कार्यान्वयनको सिलसिलामा सम्मानित जिल्ला अदालत कैलालीको फैसलाले विभिन्न मुद्दामा कैद सजाय र जरिवाना तोकिएका २४ जना फरार प्रतिवादीहरुलाई विभिन्न स्थानहरुबाट जिल्ला प्रहरी कार्यालय कैलाली तथा मातहत कार्यालयहरुबाट खटिएको प्रहरी टोलीले मिति २०८२।०९।०७ गते पक्राउ गरी सम्मानित कैलाली जिल्ला अदालतमा उपस्थित गराईएको ।