करेन्ट लागेर मृत्यु

२०८२-११-०२

A
A^-
A⁺

कैलाली:- जिल्ला कैलाली धनगढी उ.म.न.पा.१९ फुलवारी बस्ने बर्ष २० को बिमल चौधरीको शुक्रबार दिउँसोतिर करेन्ट लागेर मृत्यु भएको छ । निजले जिल्ला कैलाली, कैलारी गा.पा.६ बेनौली स्थित विजुलीको पोलमा ट्रान्सफरमर राख्ने क्रममा करेन्ट लागी गम्भिर घाईते भई उपचारको लागी सेति प्रादेशिक अस्पताल धनगढी लगिएकोमा चिकित्सकले चेकजाँच गर्दा मृत घोषणा गरेको । यस सम्बन्धमा प्रहरीले थप अनुसन्धान गरिरहेको छ ।

सम्बन्धित समाचार

३३ ग्राम ७०० मिलिग्राम अबैध लागूऔषध सहित युवा युवती पक्राउ

२०८२-११-०२

कैलाली:- जिल्ला कैलाली धनगढी उ.म.न.पा.१३ धनगढी अत्तरिया राजमार्ग स्थित मोहनपुर चोक सडक खण्डबाट २३ ग्राम ३४०मिलिग्राम र सोही उ.म.न.पा ४ स्थित निजहरुको डेरा कोठा खानतलासी गर्दा १० ग्राम ३६० मिलिग्राम गरी जम्मा ३३ ग्राम ७०० मिलिग्राम लागूऔषध खैरो हेरोईन जस्तो देखिने धुलो पदार्थ, AIRGUN थान-१, नगद रु.६५,०००।– र मोवाईल थान-२ सहित जिल्ला कञ्चनपुर, भिमदत्त न.पा.६ ऐठपुर बस्ने बर्ष २५ को सम्भु भट्ट र जिल्ला बैतडी, सिंगास गा.पा.१ वतन भएकी बर्ष २३ की कविता भट्टलाई शुक्रबार साँझ प्रहरीले पक्राउ गरेको हो । वडा प्रहरी कार्यालय धनगढी र लागूऔषध नियन्त्रण व्युरो शाखा कार्यालय धनगढी, कैलालीबाट संयुक्त रुपमा खटिएको प्रहरी टोलीले निजहरुलाई चेकजाँच तथा डेरा कोठा खानतलासी गर्दा उक्त पदार्थ फेला पारी, आवश्यक प्रक्रिया पुरा गरि निजलाई पक्राउ गरेको हो ।

अबैध भन्सार छलिका सामान नियन्त्रणमा

२०८२-११-०२

कञ्चनपुर:- कञ्चनपुर जिल्लाको बिभिन्न स्थानहरु भिमदत्त न.पा. ५ सुकासाल, दोधाराचाँदनी न.पा.१ मलहरिया र ऐ. ८ धामी टोल स्थित सडक किनारबाट अबैंध रुपमा भारतबाट भन्सार छलि गरि ल्याएका अन्दाजी मूल्य रु.८५,१९६।– बराबरको पेय पदार्थ, गुड, सुर्ती, कस्मेटिक, फेन्सी, किराना लगायतका सामानहरु शुक्रबार जिल्ला प्रहरी कार्यालय कञ्चनपुर मातहत कार्यालयहरुबाट खटिएको प्रहरी गस्ती टोलीले बेवारिसे अबस्थामा फेला पारी आवश्यक प्रक्रिया पुरा गरि नियन्त्रणमा लिएको हो । कैलाली:- जिल्ला कैलाली धनगढी उ.म.न.पा.१ नैनादेवि मन्दिर नजिकबाट अबैंध रुपमा भारतबाट भन्सार छलि गरि ल्याएका अन्दाजी मूल्य रु. २५,०००।– बराबरको माछा, साइकल थान-१ लगायतका सामानहरु शुक्रबार दिउँसो जिल्ला प्रहरी कार्यालय कैलालीबाट खटिएको प्रहरी गस्ती टोलीले बेवारिसे अबस्थामा फेला पारी आवश्यक प्रक्रिया पुरा गरि नियन्त्रणमा लिएको हो ।

बसको ढोकाबाट खसेर मानिसको मृत्यू

२०८२-११-०१

बैतडी:- जिल्ला बैतडी दशरथचन्द न.पा.१ गुरुखोला स्थित दशरथचन्द राजमार्गमा महेन्द्रनगर बाट बैतडी तर्फ जाँदै गरेको सु.प.प्र.०२-००१ ख १०१७ नम्वरको बसको ढोकाबाट खसेर जिल्ला बैतडी, दशरथचन्द न.पा.४ त्रिपुरा बस्ने वर्ष ६५ को पदम राज भट्ट गम्भिर घाईते भई उपचारको लागि जिल्ला अस्पताल बैतडी लगिएकोमा उपचारको क्रममा मृत्यु भएको छ । बस र बस चालक जिल्ला बैतडी पाटन न.पा.८ हरिचन बस्ने वर्ष ३२ को दशरथ महरालाई प्रहरीले नियन्त्रण लिई अनुसन्धान गरिरहेको छ ।

मृत अवस्थामा फेला

२०८२-११-०१

बाजुरा:- जिल्ला बाजुरा जगन्नाथ गा.पा.६ स्थित लैफु डाँडाँ नजिकै कर्णाली करिडोर सडक खण्डमा नामथर वतन नखुलेको वर्ष अन्दाजी ४० को जस्तो देखिने पुरुष व्यक्ति विहीबार साँझ मृत अवस्थामा परेका हुन । यस सम्बन्धमा प्रहरीले आवश्यक अनुसन्धान गरिरहेको छ ।

अबैध लागूऔषध सहित मानिस पक्राउ

२०८२-११-०१

कैलाली:- जिल्ला कैलाली धनगढी उ.म.न.पा.१० सिमलघाटबाट ८६० मिलिग्राम लागूऔषध खैरो हेरोईन जस्तो देखिने धुलो पदार्थ सहित सोही उ.म.न.पा.८ बस्ने बर्ष २१ को उमेश रानालाई विहिबार साँझ प्रहरीले पक्राउ गरेको हो । अस्थायी प्रहरी पोष्ट जुगेडा, कैलालीबाट खटिएको प्रहरी टोलीले शंका लागि चेकजाँच गर्दा निजको साथबाट उक्त पदार्थ फेला पारी, आवश्यक प्रक्रिया पुरा गरि पक्राउ गरेको हो ।

फरार प्रतिबादी पक्राउ

२०८२-११-०१

कञ्चनपुर:- फैसला कार्यान्वयनको सिलसिलामा सम्मानित जिल्ला अदालत कञ्चनपुरको बिभिन्न मितिको फैसलाले कैद सजाय तथा जरिवाना ठहर भई फरार रहेका निम्न प्रतिवादीहरुलाई मिति २०८२।१०।२९ गते जिल्ला प्रहरी कार्यालय कञ्चनपुर तथा मातहत कार्यालयबाट खटिएको प्रहरी टोलीले पक्राउ गरेको हो ।१. लागूऔषध मुद्दामा ६ महिना कैद सजाय र रु.५,०००।- जरिवाना तोकिएको जिल्ला कञ्चनपुर, भिमदत्त न.पा.७ हल्दुखाल बस्ने बर्ष ५० को खडक बहादुर पुजारा ।२. लागूऔषध चरेश मुद्दमा १ बर्ष कैद सजाय र रु. २०,०००।– जरिवाना तोकिएको जिल्ला कञ्चनपुर, भिमदत्त न.पा.६ बस्ने बर्ष ५८ को शिब राज भट्ट ।३. अभद्र ब्यबहार मुद्दामा १ महिना कैद सजाय र रु.१,०००।– जरिवाना तोकिएको जिल्ला कञ्चनपुर, बेदकोट न.पा. ९ बस्ने १८ वर्षिय किशोर । ४. कुटपिट मुद्दामा १ वर्ष कैद सजाय र रु.१,०००।– जरिवाना तोकिएको जिल्ला कञ्चनपुर, भिमदत्त न.पा.२ बस्ने बर्ष ४६ को शिव दत्त जोशी ।