कञ्चनपुर:-  बेदकोट नगरपालिका १० राना दैजी स्थित सडक खण्डबाट अवैध लागूऔषध खैरो हिरोईन जस्तो देखिने धुलो पदार्थ ६ ग्राम ६९० मिलिग्राम सहित ३ जनालाई शुक्रबार दिउँसो प्रहरीले पक्राउ गरेको छ । पक्राउ पर्नेहरूमा सोही नगरपालिका २ बस्ने बर्ष ३९ को केशव खत्री र भिमदत्त नगरपालिका १५ बस्ने बर्ष २७ की रेखा थापा र ऐ. १८ बस्ने बर्ष २६ को कमल चन्द रहेका छन् । लागूऔषधको कारोबार तथा ओसार पसार भई रहेको छ भन्ने गोप्य सुचनाको आधारमा जिल्ला प्रहरी कार्यालय कञ्चनपुर समेतबाट खटिएको प्रहरी टोलीले म १ च ७०८ नम्बरको बोलेरो जीपमा सवार उनीहरूलाई चेकजाँच गर्दा उक्त पदार्थ फेला पारि उक्त पदार्थ, जीप सहित निजहरु तिनै जनालाई पक्राउ गरेको हो । साथै जीप चालक बेदकोट नगरपालिका १० बस्ने बर्ष २९ को केशव बिष्ट भागि फरार रहेकाले निजको खोजतलास भईरहेको छ  ।