अबैध भन्सार छलिका सामान नियन्त्रणमा

२०८२-१२-२३

A
A^-
A⁺

कञ्चनपुर:- कञ्चनपुर जिल्लाको बिभिन्न स्थानहरु भिमदत्त न.पा. ४ मदनचोक, ऐ.५ बनगाउ र ऐ.१७ मझगाँउबाट अबैंध रुपमा भारतबाट भन्सार छलि गरि ल्याएका अन्दाजी मूल्य रु.२,४१,६००।– बराबरको चिनी, जिरा, दाल, मिठाई, प्लाष्टिक झिल्ली लगायतका सामानहरु आईतबार जिल्ला प्रहरी कार्यालय कञ्चनपुर तथा मातहत कार्यालयबाट खटिएको प्रहरी गस्ती टोलीले बेवारिसे अबस्थामा फेला पारी आवश्यक प्रक्रिया पुरा गरि नियन्त्रणमा लिएको हो ।

कैलाली:- जिल्ला कैलाली धनगढी उ.म.न.पा.७ मनेहराबाट अबैंध रुपमा भारतबाट भन्सार छलि गरि ल्याएका अन्दाजी मूल्य रु.७६,७६०।– बराबरको थान कपडा, सुटपिस लगायतका सामानहरु आईतबार दिउँसो अस्थायी प्रहरी पोष्ट मनेहरा, कैलालीबाट खटिएको प्रहरी टोलीले बेवारिसे अबस्थामा फेला पारी आवश्यक प्रक्रिया पुरा गरि नियन्त्रणमा लिएको हो ।

सम्बन्धित समाचार

अबैध लागूऔषध सहित मानिस नियन्त्रणमा

२०८२-१२-२३

कैलाली:- जिल्ला कैलाली टिकापुर न.पा.९ बालुवाटारबाट अवैध लागूऔषध खैरो हेरोइन जस्तो देखिने धुलो पदार्थ ९७० मिलिग्राम सहित २ जनालाई आईतबार बेलुकी प्रहरीले पक्राउ गरेको छ । पक्राउ पर्नेहरूमा सोही न.पा.५ बस्ने बर्ष २० को बिशाल चौधरी र ऐ.४ बस्ने १८ वर्षीय किशोर रहेका छन् । प्रहरी चौकी कालाकुण्डा, कैलालीबाट खटिएको प्रहरीले उनीहरूलाई उक्त पदार्थ सहित पक्राउ गरेको हो । कञ्चनपुर:- जिल्ला कञ्चनपुर बेलौरी न.पा.९ दिपाघाटबाट अवैध खैरो हेरोइन जस्तो देखिने धुलो पदार्थ १२० मिलिग्राम सहित शुक्लाफाँटा न.पा.५ गर्जमनी बस्ने बर्ष २४ को सन्तोष साउदलाई आईतबार बेलुकी प्रहरीले पक्राउ गरेको छ । प्रहरी चौकी भुडा, कञ्चनपुरबाट खटिएको प्रहरीले निजलाई उक्त पदार्थ सहित पक्राउ गरेको हो ।

स्कुटर दुर्घटना हुँदा चालकको मृत्यू

२०८२-१२-२३

कैलाली:- जिल्ला कैलाली गौरीगंगा न.पा.१ मंगलपुर गौरीगंगा पुल स्थित पूर्व पश्चिम राजमार्गमा पश्चिमबाट पूर्व तर्फ जाँदै गरेको सु.प.प्र.०१-०१२ प ५९२९ नम्बरको स्कुटर अनियन्त्रित भई आईतबार राति दुर्घटना हुँदा स्कुटर चालक घोडाघोडी न.पा.८ आमखैया बस्ने बर्ष २३ को रोशन चौधरीको मृत्यु भएको छ । दुर्घटनामा गम्भीर घाइते भएका उनलाई सेती प्रादेशिक अस्पताल धनगढी लगिएकोमा उपचारको क्रममा मृत्यु भएको हो । दुर्घटनाका सम्बन्धमा प्रहरीले आवश्यक अनुसन्धान गरिरहेको छ ।

अबैध लागूऔषध सहित मानिस नियन्त्रणमा

२०८२-१२-२२

कैलाली:- जिल्ला कैलाली धनगढी उ.म.न.पा.१२ जुगेडा कटानबाट अवैध लागूऔषध खैरो हेरोइन जस्तो देखिने धुलो पदार्थ ८३० मिलिग्राम सहित २ जनालाई शनिबार दिउँसो प्रहरीले पक्राउ गरेको छ । पक्राउ पर्नेहरूमा सोही ठाउँ बस्ने बर्ष २२ को शिवराज बि.क. र १८ वर्षीय किशोर रहेका छन् । जिल्ला प्रहरी कार्यालय कैलालीबाट खटिएको प्रहरीले उनीहरूलाई उक्त पदार्थ सहित पक्राउ गरेको हो । कञ्चनपुर:- जिल्ला कञ्चनपुर बेलडाँडी गा.पा.३ बनकुरुवाबाट अवैध लागूऔषध खैरो हेरोइन जस्तो देखिने धुलो पदार्थ २ ग्राम ०९ मिलिग्राम सहित २ जनालाई शनिबार बेलुकी प्रहरीले पक्राउ गरेको छ । पक्राउ पर्नेहरूमा सोही न.पा.१ रतनपुर बस्ने बर्ष २२ को प्रकाश डगौरा र भिमदत्त न.पा.१८ कटान बस्ने बर्ष २१ को निशाज डगौरा रहेका छन् । इलाका प्रहरी कार्यालय बेलडाँडी, कञ्चनपुरबाट खटिएको प्रहरीले सु.प.प्र. ०२-००३ प ८७०३ नम्बरको स्कुटरमा सवार उनीहरूलाई उक्त पदार्थ सहित पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको छ ।

जुवातास खेलिरहेको अवस्थामा ९ जना पक्राउ

२०८२-१२-२२

कैलाली:- जिल्ला कैलाली टिकापुर नगरपालिका १ नयाँ टिकापुर स्थित बर्ष ४३ को लाल बहादुरले थापाले सञ्चालन गरेको खाजा नास्ता पसलको कोठा भित्र जुवातास खेलिरहेको अवस्थामा निज लाल बहादुर थापा सहित ९ जनालाई शनिबार वेलुकी प्रहरीले पक्राउ गरेको छ । जुवातास खेलिरहेका छन भन्ने गोप्य सुचनाको आधारमा इलाका प्रहरी कार्यालय टिकापुर, कैलालीबाट खटिएको प्रहरीले निजहरूलाई नगद रु.७७,७३५।– र ३ गड्डी तास सहित पक्राउ गरेको हो । यस सम्बन्धमा प्रहरीले थप अनुसन्धान गरिरहेको छ ।

अबैध भन्सार छलिका सामान नियन्त्रणमा

२०८२-१२-२२

कञ्चनपुर:- जिल्ला कञ्चनपुर भिमदत्त न.पा.११ भुजेलाबाट अबैंध रुपमा भन्सार छलि गरि ल्याएका अन्दाजी मूल्य रु.१,१०,०००।-बराबरको मोवाईल कभर, विभिन्न किसिमका कपडा, किराना लगायतका सामानहरु शनिबार साँझ इलाका प्रहरी कार्यालय गड्डाचौकी, कञ्चनपुरबाट खटिएको प्रहरी टोलीले बेवारिसे अबस्थामा फेला पारी आवश्यक प्रक्रिया पुरा गरि नियन्त्रणमा लिएको हो ।

आगलागीबाट विभिन्न धनमाल जलेर नष्ट

२०८२-१२-२२

कैलाली:- जिल्ला कैलाली घोडाघोडी न.पा.८ आमफाटा बस्ने नेत्र कुमालको कच्ची गोठमा आगलागी हुँदा गोठभित्र रहेका ४ वटा खसी बाख्राको जलेर मृत्यू भएको हो । साथै सोही गोठ र गोठ भित्र रहेका मोटरसाइकल, साइकल लगायतका सामानहरु गरी अन्दाजी मुल्य रु.३,५८,०००।– (तिन लाख अन्ठाउन्न हजार) बराबरको धनमाल जलेर नष्ट भएको, मानविय क्षेती नभएको, स्थानिय, प्रहरी र दमकलको सहयोगमा आगलागी नियन्त्रणमा आएको हो । यसैगरी, जिल्ला कैलाली घोडाघोडी न.पा.३ निम्दि बस्ने दान बहादुर चौधरीको गोठमा आगलागी हुँदा गोठ र गोभित्र रहेका आलु, धान काट्ने रिफर, साइकल, त्रिपाल लगायतका सामानहरु लगायतका सामानहरु गरी अन्दाजी मुल्य रु.१,७३,०००।– (एक लाख तिरहत्तर हजार) बराबरको धनमाल जलेर नष्ट भएको हो, आगलागीबाट मानविय तथा चौपाया क्षेती नभएको, स्थानिय, प्रहरी र दमकलको सहयोगमा आगलागी नियन्त्रणमा आएको हो ।