अबैध लागु औषध सहित मानिस पक्राउ
२०८०-०१-२९
- A
- A-
- A+
कैलाली: मिति २०८०।०१।२८ गतेको साँझतिर सुदूरपश्चिम प्रदेश प्रहरी कार्यालय धनगढीबाट खटिई गएको प्रहरी टोलीले धनगढी उप-महानगरपालिका २ त्रिनगर भन्सार नजिक जिल्ला कैलाली ध.उ.म.न.पा.७ मनेहरा बस्ने बर्ष २० को जगदिश कोलीलाई शंका लागी चेकजाँच गर्दा निज जगदिश कोलीको साथबाट नाईट्रोभेट २० ट्याबलेट, सहित नक थान १ फेला पारी प्रहरीले नियन्त्रणमा लिएको हो ।
यसैगरि,मिति २०८०।०१।२८ गते साँझतिर ईलाका प्रहरी कार्यालय लम्की कैलालीबाट खटिई गएको प्रहरी टोलीले लम्कीचुहा न.पा. १ अछाम रोड स्थित लम्कीचुहा न.पा.१ बस्ने वर्ष २२ को उमेश शाही, ऐ. बस्ने बर्ष २४ प्रेम रावल र ऐ. बस्ने वर्ष २१ को डम्मर बि.क.लाई शंका लागी चेकजाँच निज डम्मर बि.क.को साथबाट १ ग्राम परिमाण भएको लागु औषध (खैरो हेरोईन) जस्तो धुलो पदार्थ फेला पारी उक्त लागु औषध बरामद गरी निजहरु तिनै जनालाई समेत प्रहरीले नियन्त्रणमा लिएको हो ।
यसैगरि,कञ्चनपुर;- मिति २०८०।०१।२८ गतेको दिउसो जिल्ला प्रहरी कार्यालय कञ्चनपुरबाट खटिई गएको प्रहरी टोलीले भिमदत्त न.पा. १८ सालघारी स्थित ऐ.बस्ने बर्ष २७ को कमलेश गिरी र ऐ. बस्ने बर्ष २३ को पंकज चन्दको शरीरमा खान तलासी गर्दा कमलेश गिरीको साथबाट शुद्द तौल १.९७ ग्राम र पंकज चन्दको साथबाट ०.९४ ग्राम लागु औषध खैरो हेरोइन जस्तो देखिने पदार्थ फेला पारी निजहरुलाई प्रहरीले नियन्त्रणमा लिएको हो । यस सम्बन्धमा प्रहरी थप अनुसन्धान गरिरहेको छ ।