अवैध भन्सार छलिका सामान नियन्त्रणमा

२०८३-०४-११

A
A^-
A⁺

कैलाली:- जिल्ला कैलाली टिकापुर न.पा.६ बाणीघाट पुलबाट अबैंध रुपमा भारतबाट भन्सार छलि गरी ल्याएका अन्दाजी मूल्य रु.२४,०००।– बराबरको बिडी, सुर्ति, प्लाष्टिक झिल्ली लगायतका सामानहरु आईतबार राति इलाका प्रहरी कार्यालय टिकापुर, कैलालीबाट खटिएको प्रहरीले बेवारिसे अबस्थामा फेला पारी आवश्यक प्रक्रिया पुरा गरि नियन्त्रणमा लिएको छ ।

कञ्चनपुर:- जिल्ला कञ्चनपुर भिमदत्त न.पा.११ भुजेलाबाट अबैंध रुपमा भारतबाट भन्सार छलि गरि ल्याएका अन्दाजी मूल्य रु.१,५०,५८०।– बराबरको थान कपडा, सुटपिस, साडी, चप्पल, किराना लगायतका सामानहरु आईतबार दिउँसो इलाका प्रहरी कार्यालय गड्डाचौकी, कञ्चनपुरबाट खटिएको प्रहरीले बेवारिसे अबस्थामा फेला पारी आवश्यक प्रक्रिया पुरा गरि नियन्त्रणमा लिएको छ ।

सम्बन्धित समाचार

अवैध लागूऔषध सहित मानिस नियन्त्रणमा

२०८३-०४-११

कैलाली:- जिल्ला कैलाली धनगढी उ.म.न.पा.७ देवरियाबाट अवैध लागूऔषध खैरो हेरोइन जस्तो देखिने पदार्थ ३२५ मिलिग्राम सहित सोही ठाउँ बस्ने वर्ष २५ को पवन चौधरीलाई आईतबार साँझ प्रहरीले पक्राउ गरेको छ । गोप्य सुचनाको आधारमा जिल्ला प्रहरी कार्यालय कैलालीबाट खटिएको प्रहरीले चेकजाँच गर्दा उक्त पदार्थ फेला पारी उक्त पदार्थ सहित पक्राउ गरेको छ । यसैगरी, जिल्ला कैलाली बर्दगोरिया गा.पा.३ खैरेनीबाट अवैध लागूऔषध खैरो हेरोइन जस्तो देखिने पदार्थ ३४० मिलिग्राम सहित सोही ठाउँ बस्ने १७ वर्षिय किशोरलाई आईतबार वेलुकी प्रहरीले पक्राउ गरेको छ । इलाका प्रहरी कार्यालय सडकपुर, कैलालीबाट खटिएको प्रहरीले शंका लागि चेकजाँच गर्दा उक्त पदार्थ फेला पारी उक्त पदार्थ सहित पक्राउ गरेको छ । यसैगरी, जिल्ला कैलाली, धनगढी उ.म.न.पा.१ शान्तिनगरबाट अवैध लागूऔषध खैरो हेरोइन जस्तो देखिने पदार्थ १ ग्राम ३ मिलिग्राम, जरायोको जस्तो देखिने दुई सिङगे थान-१ र नगद रु.३५,८६०।- (पैतिस हजार आठ सय साठी) सहित सोही ठाउँ बस्ने २३ को कुवेर पार्कीलाई आईतबार वेलुकी प्रहरीले पक्राउ गरेको छ । जिल्ला प्रहरी कार्यालय कैलाली र लागूऔषध नियन्त्रण व्युरो शाखा कार्यालय धनगढी, कैलालीबाट संयुक्त रुपमा खटिएको प्रहरीले पक्राउ गरेको छ ।

अबैध काठ सहित मानिस नियन्त्रणमा

२०८३-०४-११

कञ्चनपुर:- जिल्ला कञ्चनपुर इलाका प्रहरी कार्यालय त्रिभुवनबस्ती, कञ्चनपुरबाट खटिएको प्रहरीले पुनर्वास न.पा.९ धनसिङा बस्ने बर्ष ३९ को ऐन बहादुर शाहीले आफ्नो घर टहरामा भित्र लुकाई छिपाई राखेको अवस्थामा अवैध सिसम जातको काठ गोलिया थान-४ (१७.५५ क्यु.फिट) बरामद गरि उक्त अबैध काठ र निज ऐन बहादुर शाहीलाई नियन्त्रणमा लिई आवश्यक कारवाहीको लागि सब डिभिजन वन कार्यालय पचकडिया परासन, कञ्चनपुरमा बुझाएको छ ।

जवरजस्ती करणी गरेको अभियोगमा मानिस पक्राउ

२०८३-०४-११

कैलाली:- ९ वर्षीया वालिकालाई जबरजस्ती करणी गरेको अभियोगमा जिल्ला कैलाली, टिकापुर न.पा. १ ब्लक नं. २५ बस्ने वर्ष २१ को दिवश डगौरालाई आईतबार दिउँसो प्रहरीले पक्राउ गरेको छ । निजले ती बालिकालाई जबरजस्ती करणी गरेको भन्ने उजुरीको आधारमा इलाका प्रहरी कार्यालय टिकापुर, कैलालीबाट खटिएको प्रहरीले पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको छ ।

अवैध भन्सार छलिका सामान नियन्त्रणमा

२०८३-०४-१०

कैलाली:- कैलाली जिल्लाको विभिन्न स्थानहरु धनगढी उ.म.न.पा.३ फिस रिसोट नजिक, ऐ. ९ बङ्ग्राकटान, त्रिवेणीघाट र ऐ.१२ कम्पनी टोलबाट अबैंध रुपमा भारतबाट भन्सार छलि गरी ल्याएका अन्दाजी मूल्य रु.५,७४,७००।– बराबरको चिनी, बिडी, सुर्ति, कफि, मसला, प्लाष्टिक दुना टपरी, प्लाष्टिक झिल्ली, अटो थान-१ लगायतका सामानहरु शनिबार जिल्ला प्रहरी कार्यालय कैलाली तथा मातहत कार्यालयबाट खटिएको प्रहरीले बेवारिसे अबस्थामा फेला पारी आवश्यक प्रक्रिया पुरा गरि नियन्त्रणमा लिएको छ । कञ्चनपुर:- जिल्ला कञ्चनपुर बेलौरी न.पा.१० सडकघाटबाट अबैंध रुपमा भारतबाट भन्सार छलि गरि ल्याएका अन्दाजी मूल्य रु.५२,०००।– बराबरको माछा शनिबार दिउँसो इलाका प्रहरी कार्यालय बेलडाँडी, कञ्चनपुर समेतबाट खटिएको प्रहरीले बेवारिसे अबस्थामा फेला पारी आवश्यक प्रक्रिया पुरा गरि नष्ट गरेको छ ।

डुबी मृत्यु

२०८३-०४-१०

कैलाली:- जिल्ला कैलाली गोदावरी न.पा.४ हाटखोली स्थित जोशीपुर गा.पा.२ घर भई हाल धनगढी उ.म.न.पा.७ मनेहेरा कोठा गरी बस्ने वर्ष १५ को पुष्पराज चौधरी खोलामा पौडी खेल्ने क्रममा डुबी गम्भिर घाईते भई निसर्ग अस्पताल धनगढी लगिएकोमा उपचारको क्रममा शनिबार दिउँसो मृत्यु भएको हो । घटना सम्बन्धमा प्रहरीले अनुसन्धान गरिरहेको छ ।

अवैध लागूऔषध सहित मानिस नियन्त्रणमा

२०८३-०४-१०

कैलाली:- जिल्ला कैलाली गोदावरी न.पा.१ महेन्द्रनगर रोडबाट अवैध लागूऔषध खैरो हेरोइन जस्तो देखिने पदार्थ २९० मिलिग्राम सहित सोही ठाउँ बस्ने बर्ष २९ को सबिन रावललाई शनिबार दिउँसो प्रहरीले पक्राउ गरेको छ । लागूऔषध सेवन गरी हिडीरहेको छ भन्ने विशेष सुचनाको आधारमा इलाका प्रहरी कार्यालय मालाखेती, कैलालीबाट खटिएको प्रहरीले चेकजाँच गर्दा उक्त पदार्थ फेला पारी उक्त पदार्थ सहित पक्राउ गरेको छ । यसैगरी, जिल्ला कैलाली धनगढी उ.म.न.पा.७ मनेहरा चोकबाट अवैध लागूऔषध खैरो हेरोइन जस्तो देखिने पदार्थ २ ग्राम ६७१ मिलिग्राम सहित २ जनालाई शनिबार साँझ प्रहरीले पक्राउ गरेको छ । पक्राउ पर्नेहरूमा सोही उ.म.न.पा.८ वस्ने १७ वर्षिय किशोर र गौरीगंगा न.पा.१ घर भई हाल धनगढी उ.म.न.पा.७ डेरा गरी बस्ने बर्ष २५ को मायाराम चौधरी रहेका छन् । जिल्ला प्रहरी कार्यालय कैलालीबाट खटिएको प्रहरीले शंका लागि चेकजाँच गर्दा उक्त पदार्थ फेला पारी उक्त पदार्थ सहित पक्राउ गरेको छ । यसैगरी, जिल्ला कैलाली धनगढी उ.म.न.पा.७ मोति चोकबाट अवैध लागूऔषध खैरो हेरोइन जस्तो देखिने पदार्थ १९८ मिलिग्राम सहित कैलारी गा.पा.४ बस्ने बर्ष २५ को अर्जुन चौधरीलाई गयराति प्रहरीले पक्राउ गरेको छ । जिल्ला प्रहरी कार्यालय कैलालीबाट खटिएको प्रहरीले शंकास्पद रुपमा हिडिरहेको अवस्थामा शंका लागि चेकजाँच गर्दा उक्त पदार्थ फेला पारी उक्त पदार्थ सहित पक्राउ गरेको छ । कञ्चनपुर:- जिल्ला कञ्चनपुर बेदकोट न.पा.८ गैलनदीबाट अवैध लागूऔषध चरेश जस्तो देखिने कालो पदार्थ १६ ग्राम ३४० मिलिग्राम सहित भिमदत्त न.पा.१८ जनज्योती चोक बस्ने बर्ष २२ को यस चन्दलाई शनिबार दिउँसो प्रहरीले पक्राउ गरेको छ । अस्थायी प्रहरी पोष्ट गैलनदी, कञ्चनपुरबाट खटिएको प्रहरीले म १ प ४२४४ नम्बरको मोटरसाइकलमा सवार निजहरुलाई शंका लागि चेकजाँच गर्दा उक्त पदार्थ फेला पारि उक्त पदार्थ, मोटरसाइकल सहित पक्राउ गरेको छ ।