अवैध लागु औषध सहित ६ जना मानिस नियन्त्रणमा

२०८३-०४-१३

A
A^-
A⁺

कैलाली :- कैलाली गौरीगंगा न.पा.४ बाट अवैध लागूऔषध खैरो हेरोइन जस्तो देखिने पदार्थ १० ग्राम ८०० मिलिग्राम सहित जिल्ला कैलाली गौरीगंगा न.पा. ४ बस्ने वर्ष २५ को सुरेन्द्र बहादुर धामी र जिल्ला कैलाली गौरीगंगा न.पा. १ लठैया बस्ने वर्ष २१ को सन्तोष रानामगरलाई मंगलबार दिउसो प्रहरीले पक्राउ गरेको छ । इलाका प्रहरी कार्यालय मालाखेती,कैलाली र लागु औषध व्यूरो धनगढी,कैलालीबाट संयुक्त खटिएको प्रहरी टोलीले दुबै जनालाई उक्त पदार्थ र नेपाली रुपैया ३७,१५०।-सहित पक्राउ गरेको छ ।

यसैगरि, कैलाली टीकापुर न.पा. ३ रामपुरबाट अवैध लागूऔषध खैरो हेरोइन जस्तो देखिने पदार्थ १ ग्राम १८० मिलिग्राम सहित जिल्ला कैलाली टीकापुर न.पा. ३ रामपुर बस्ने वर्ष २६ को प्रशान्त चौधरी र ऐ.ऐ. बस्ने वर्ष १९ को समिर चौधरीलाई मंगलबार बेलुका प्रहरीले पक्राउ गरेको छ । इलाका प्रहरी कार्यालय टीकापुर,कैलाली बाट खटिएको प्रहरीले दुबै जनालाई उक्त सहित पक्राउ गरेको छ ।

कञ्चनपुर :- कञ्चनपुर भिमदत्त न.पा. ११ होल्डिङ सेन्टर स्थित जिल्ला कञ्चनपुर भिमदत्त न.पा.१८ कटान बस्ने बर्ष ३१ को प्रदिप नाथले चलाएको म २ प ४२६७ नं को मो.सा.लाई शंका लागि चेकजाँच गर्दा निजको साथबाट ३८ पिस Buprenophine hydrochloride र ३४ पिस Promethazine hydrochloride गरी जम्मा ७२ पिस एम्पुल सहित मंगलबार बेलुका प्रहरीले पक्राउ गरेको छ । इलाका प्रहरी कार्यालय गड्डाचौकी,कञ्चनपुरबाट खटिएको प्रहरीले मो.सा. र उक्त पदार्थ सहित निजलाई पक्राउ गरेको छ ।

यसैगरि, जिल्ला कञ्चनपुर भिमदत्त न.पा.०७ बैद्यनाथ स्थितबाट अवैध लागूऔषध खैरो हेरोइन जस्तो देखिने पदार्थ २ ग्राम ३० मिलिग्राम सहित ऐ.ऐ. हल्दुखाल बस्ने वर्ष २२ को निशान्त चन्दलाई मंगलबार बेलुका प्रहरीले पक्राउ गरेको छ । जिल्ला प्रहरी कार्यालय कञ्चनपुर र लागु औषध व्युरो महेन्द्रनगर, कञ्चनपुरबाट संयक्त खटिएको प्रहरीले निजलाई उक्त पदार्थ सहित पक्राउ गरेको छ । यस सम्बन्धमा प्रहरीले आवश्यक अनुसन्धान गरिरहेको छ ।

सम्बन्धित समाचार

अवैध भन्सार छलिका सामान नियन्त्रणमा

२०८३-०४-१३

कैलाली:- जिल्ला कैलाली भजनी न.पा. ५ गुलरियाघाँट नजिक जंगलबाट अवैध रुपमा भारतबाट भन्सार छलि गरी ल्याएका अन्दाजी मूल्य रु.३,०४,०००।– बराबरको धागो, Fasting tape, Needle plate Dress hook, Pitman Set, Needle holder, Treadle Screw, Sewing Machine Motor, Trouser hook, धागो काट्ने कैची, बटन लगायतका सामानहरु मंगलबार इलाका प्रहरी कार्यालय भजनी, कैलालीबाट खटिएको प्रहरीले बेवारिसे अवस्थामा फेला पारी आवश्यक प्रक्रिया पुरा गरी नियन्त्रणमा लिएको छ । कञ्चनपुर:- जिल्ला कञ्चनपुर दोधारा चाँदनी न.पा.७ कञ्चभोजबाट अवैध रुपमा भारतबाट भन्सार छलि गरी ल्याएका अन्दाजी मूल्य रु.४६,४००।– बराबरको बोईलर कुखुरा मंगलबार इलाका प्रहरी कार्यालय दोधारा चाँदनी, कञ्चनपुरबाट खटिएको प्रहरीले बेवारिसे अवस्थामा फेला पारी आवश्यक प्रक्रिया पुरा गरी नष्ट गरेको छ ।

अवैध भन्सार छलिका सामान नियन्त्रणमा

२०८३-०४-१२

कैलाली:- कैलाली जिल्लाको विभिन्न स्थानहरु धनगढी उ.म.न.पा. १५ कनरी र भजनी न.पा.९ कुँडीबाट अवैध रुपमा भारतबाट भन्सार छलि गरी ल्याएका अन्दाजी मूल्य रु.२,४२,६५०।– बराबरको बिडी, सुर्ति, मिठाई, छोहरा, मोटरसाइकल थान-१ लगायतका सामानहरु सोमबार जिल्ला प्रहरी कार्यालय कैलाली तथा मातहत कार्यालयबाट खटिएको प्रहरीले बेवारिसे अवस्थामा फेला पारी आवश्यक प्रक्रिया पुरा गरि नियन्त्रणमा लिएको छ । कञ्चनपुर:- कञ्चनपुर जिल्लाको विभिन्न स्थानहरु भिमदत्त न.पा.११ चौकिसत्ता, दोधारा चाँदनी न.पा.३ बडुवाल टोल, ऐ.७ कञ्चभोज, पुनर्वास न.पा.४ लोहनिचोक र ऐ.६ बुद्धचोकबाट अवैध रुपमा भारतबाट भन्सार छलि गरी ल्याएका अन्दाजी मूल्य रु.३,१८,२८०।– बराबरको पेय पदार्थ, युरिया मल, साडी, पर्दा, प्याज, आलु, आँप, वल्व, पटका, साबुन, सरप, मोटरसाइकल थान-१ लगायतका सामानहरु सोमबार जिल्ला प्रहरी कार्यालय कञ्चनपुर मातहत कार्यालयबाट खटिएको प्रहरीले बेवारिसे अवस्थामा फेला पारी आवश्यक प्रक्रिया पुरा गरी नियन्त्रणमा लिएको छ ।

अवैध लागूऔषध सहित मानिस नियन्त्रणमा

२०८३-०४-१२

कैलाली:- जिल्ला कैलाली भजनी न.पा.६ नवलपुरबाट अवैध लागूऔषध खैरो हेरोइन जस्तो देखिने पदार्थ ८२० मिलिग्राम सहित २ जनालाई सोमबार साँझ प्रहरीले पक्राउ गरेको छ । पक्राउ पर्नेहरूमा जानकी गा.पा.५ बस्ने बर्ष २० को अमर डगौरा थारु र वर्ष २० रोहित कुमार चौधरी रहेका छन् । गोप्य सुचनाको आधारमा इलाका प्रहरी कार्यालय भजनी, कैलालीबाट खटिएको प्रहरीले चेकजाँच गर्दा उक्त पदार्थ फेला पारी उक्त पदार्थ सहित पक्राउ गरेको छ । यसैगरी, जिल्ला कैलाली धनगढी उ.म.न.पा.१३ राजपुर चोकबाट अवैध लागूऔषध खैरो हेरोइन जस्तो देखिने पदार्थ ७० मिलिग्राम सहित गोदावरी न.पा.३ बस्ने वर्ष २६ को कृष्ण रावललाई सोमबार बेलुकी प्रहरीले पक्राउ गरेको छ । प्रहरी चौकी कैलालीगाउँ, कैलालीबाट खटिएको प्रहरीले निजले चलाएको सु.प.प्र.०१-००१ ह ४८५४ नम्वरको अटोलाई शंका लागी चेकजाँच गर्दा उक्त पदार्थ फेला पारी उक्त पदार्थ, अटो सहित पक्राउ गरेको छ । यसैगरी, जिल्ला कैलाली गोदावरी न.पा.८ श्रीपुर स्थित भित्र सडक खण्डबाट अवैध लागूऔषध खैरो हेरोइन जस्तो देखिने पदार्थ १४० मिलिग्राम सहित ३ जनालाई गयराति प्रहरीले पक्राउ गरेको छ । पक्राउ पर्नेहरूमा सोही ठाउँ बस्ने वर्ष ३५ को निर्मल चौधरी र वर्ष २७ को कालु राम चौधरी र धनगढी उ.म.न.पा.५ बस्ने १८ वर्षिय किशोरी रहेका छन् । प्रहरी चौकी गेटा, कैलालीबाट खटिएको प्रहरीले सु.प.प्र.०१-०१३ प २७३५ नम्बरको मोटरसाइकलमा सवार निजहरुलाई शंका लागि चेकजाँच गर्दा उक्त पदार्थ फेला पारी उक्त पदार्थ सहित पक्राउ गरेको छ । कञ्चनपुर:- जिल्ला कञ्चनपुर भिमदत्त न.पा.११ भाईरल रोड नजिकबाट अवैध लागूऔषध खैरो हेरोइन जस्तो देखिने पदार्थ ३ ग्राम सहित ३ जनालाई सोमबार राति प्रहरीले पक्राउ गरेको छ । पक्राउ पर्नेहरूमा सोही ठाउँ बस्ने वर्ष २४ को भिम सिँह धामी, सोही न.पा.७ बस्ने वर्ष ३१ को देबेन्द्र बहादुर चन्द र नरेश मल्ल रहेका छन् । लागूऔषध खैरो हेरोईनको कारोबार भईरहेको छ भन्ने सुचनाको आधारमा इलाका प्रहरी कार्यालय गड्डाचौकी, कञ्चनपुरबाट खटिएको प्रहरीले DL 8 CBL 0923 नम्बरको भारतिय कार रोकि राखेको अवस्थामा कार तथा निजहरुलाई खाँनतलासी गर्दा उक्त पदार्थ फेला पारी उक्त पदार्थ, कार सहित पक्राउ गरेको छ ।

जुवातास खेलिरहेको अवस्थामा १६ जना पक्राउ

२०८३-०४-१२

कञ्चनपुर:- जिल्ला कञ्चनपुर कृष्णपुर न.पा.२ स्याउले बस्ने वर्ष ४४ को टेक बहादुर साउँदको घरमा जुवातास खेलिरहेको अवस्थामा निज टेक बहादुर साउँद सहित १६ जनालाई सोमबार राति प्रहरीले पक्राउ गरेको छ । जुवातास भईरहेको भन्ने सुचनाको आधारमा अस्थायी प्रहरी पोष्ट वाणी, कञ्चनपुरबाट खटिएको प्रहरीले निजहरूलाई नगद भारतीय रुपैयाँ रु.२७,५००।–, नेपाली रुपैयाँ रु.३२,७८०।– र मोवाईल थान ११ सहित पक्राउ गरेको छ । यस सम्बन्धमा प्रहरीले अनुसन्धान गरिरहेको छ ।

फरार प्रतिवादी पक्राउ

२०८३-०४-१२

कैलाली:- फैसला कार्यान्वयनको सिलसिलामा सम्मानित जिल्ला अदालत कैलालीको फैसलाले सवारी ज्यान मुद्दामा २० दिन कैद सजाय र रु.२००।- जरिवाना तोकिएको धनगढी उ.म.न.पा.७ पटेला बस्ने वर्ष ३५ को पन्चराम चौधरीलाई प्रहरी चौकी कनरी, कैलालीबाट खटिएको प्रहरीले सोमबार दिउँसो निजकै घर ठेगानाबाट पक्राउ गरेको हो ।

अवैध भन्सार छलिका सामान नियन्त्रणमा

२०८३-०४-११

कैलाली:- जिल्ला कैलाली टिकापुर न.पा.६ बाणीघाट पुलबाट अबैंध रुपमा भारतबाट भन्सार छलि गरी ल्याएका अन्दाजी मूल्य रु.२४,०००।– बराबरको बिडी, सुर्ति, प्लाष्टिक झिल्ली लगायतका सामानहरु आईतबार राति इलाका प्रहरी कार्यालय टिकापुर, कैलालीबाट खटिएको प्रहरीले बेवारिसे अबस्थामा फेला पारी आवश्यक प्रक्रिया पुरा गरि नियन्त्रणमा लिएको छ । कञ्चनपुर:- जिल्ला कञ्चनपुर भिमदत्त न.पा.११ भुजेलाबाट अबैंध रुपमा भारतबाट भन्सार छलि गरि ल्याएका अन्दाजी मूल्य रु.१,५०,५८०।– बराबरको थान कपडा, सुटपिस, साडी, चप्पल, किराना लगायतका सामानहरु आईतबार दिउँसो इलाका प्रहरी कार्यालय गड्डाचौकी, कञ्चनपुरबाट खटिएको प्रहरीले बेवारिसे अबस्थामा फेला पारी आवश्यक प्रक्रिया पुरा गरि नियन्त्रणमा लिएको छ ।