कैलाली:- जिल्ला कैलाली, धनगढी उ.म.न.पा. २ त्रिनगरबाट अबैंध रुपमा भारतबाट भन्सार छलि गरि ल्याएका अन्दाजी मूल्य रु. ६४,७००।–बराबरको गाडीका बिभिन्न पाटपुर्जाहरु सहित जिल्ला कैलाली गोदावरी न.पा.६ बस्ने बर्ष ३९ को शेर बहादुर खडायतलाई शनिबार दिउँसो प्रहरी गस्ती टोलीले फेला पारी आवश्यक प्रक्रिया पुरा गरि कारवाहीका लागि प्रहरीले सामान सहित निजलाई त्रिनगर भन्सार कार्यालय कैलालीमा बुझाएको हो ।

यसैगरी:- जिल्ला कैलाली, धनगढी उ.म.न.पा. ३ भन्सार कार्यालय नजिकबाट अबैंध रुपमा भारतबाट भन्सार छलि गरि ल्याएका अन्दाजी मूल्य रु. ४८,०६०।–बराबरको चिनी,मिठाई, नरिवल,सरप, गोल्ड मसला, पानीपुरी,बदाम,बिस्कुट लगायतका समानहरु शनिबार साँझ प्रहरी गस्ती टोलीले बेवारिसे अबस्थामा फेला पारी आवश्यक प्रक्रिया पुरा गरि नियन्त्रणमा  लिएको हो ।

कञ्चनपुर:- जिल्ला कञ्चनपुर, भिमदत्त.न.पा.१० बिद्युत कार्यालय अगाडीबाट अबैंध रुपमा भारतबाट भन्सार छलि गरि ल्याएका अन्दाजी मूल्य रु.२,०१,०२०।–बराबरको सुट,ज्याकेट,खाद्यान्न,हार्डवेयरका समानहरु शनिबार साँझ प्रहरी गस्ती टोलीले बेवारिसे अबस्थामा फेला पारी आवश्यक प्रक्रिया पुरा गरि नियन्त्रणमा लिएको हो ।