कैलाली:- जिल्ला कैलाली,ध.उ.म.न.पा. १ शिव मन्दिर स्थित अबैंध रुपमा भारतबाट भन्सार छलि गरि ल्याएका अन्दाजी मूल्य रु. ६०,०००।–बराबरको माछा र मोटरसाईकल थान-१ सहित ऐ.१० जुगेडा बस्ने बर्ष २० को राम रानालाई मंगलबार दिउँसो प्रहरी गस्ती टोलीले फेला पारी आवश्यक प्रक्रिया पुरा गरि नियन्त्रणमा लिएको हो । उल्लेखित माछा,मोटरसाईकल र निजलाई आवश्यक कारवाहीको लागि प्रहरीले कैलाली भन्सार कार्यालय त्रिनगर पठाएको हो ।

यसैगरि,जिल्ला कैलाली,ध.उ.म.न.पा.९ बनकट्टीघाटबाट अबैंध रुपमा भारतबाट भन्सार छलि गरि ल्याएका अन्दाजी मूल्य रु. १५,०००।–बराबरको बोईलर कुखुरा मंगलबार साँझतिर प्रहरी गस्ती टोलीले बेवारिसे अबस्थामा फेला पारी आवश्यक प्रक्रिया पुरा गरि नियन्त्रणमा लिएको हो । 

कञ्चनपुर:-जिल्ला कञ्चनपुर, बेलौरी न.पा.२ बैजुडाँडाबाट अबैंध रुपमा भारतबाट भन्सार छलि गरि ल्याएका अन्दाजी मूल्य रु. १५,०००।–बराबरको माछा मंगलबार दिउँसो प्रहरी गस्ती टोलीले बेवारिसे अबस्थामा फेला पारी आवश्यक प्रक्रिया पुरा गरि उक्त माछा प्रहरीले नष्ट गरेको हो ।